ஜெர்மனியில் சிகிச்சை மேற்கொள்ளும் கே.எல். ராகுல்: இங்கிலாந்து தொடர்களிலிருந்து விலகல்?

காயத்துக்குச் சிகிச்சை மேற்கொள்வதற்காக ஜெர்மனிக்குச் செல்லவுள்ளார் இந்திய அணியின் மூத்த வீரர் கே.எல். ராகுல்.

தென்னாப்பிரிக்காவுக்கு எதிரான டி20 தொடரிலிருந்து காயம் காரணமாக கே.எல். ராகுல் விலகினார். இதனால் இங்கிலாந்துக்கு எதிரான டெஸ்டிலும் அவரால் பங்கேற்க முடியாது.

இதையடுத்து காயத்துக்குச் சிகிச்சை மேற்கொள்வதற்காக ஜெர்மனிக்கு கே.எல். ராகுல் செல்லவிருப்பதாக பிசிசிஐ செயலாளர் ஜெய் ஷா ஒரு பேட்டியில் கூறியுள்ளார். ஜூலை மாத இறுதியில் ராகுல் செல்வதால் இங்கிலாந்துக்கு எதிரான ஒரு டெஸ்ட், ஒருநாள், டி20 தொடர்கள் என அனைத்திலும் ராகுலால் பங்கேற்க முடியாத சூழல் ஏற்பட்டுள்ளது. 

இந்திய அணி அயர்லாந்துக்கும் இங்கிலாந்துக்கும் அடுத்ததாகச் சுற்றுப்பயணம் செய்கிறது. அயர்லாந்தில் ஜூன் 26, 28 தேதிகளில் இரு டி20 ஆட்டங்களை விளையாடுகிறது. இங்கிலாந்துக்கு எதிராக ஒரு டெஸ்ட், 3 ஒருநாள், 3 டி20 ஆட்டங்களில் இந்திய அணி விளையாடுகிறது. கடந்த வருடம் ரத்தான 5-வது டெஸ்ட், ஜூலை 1 அன்று தொடங்குகிறது. இங்கிலாந்தில் ஜூன் 24-27 தேதிகளில் இந்திய அணி 4 நாள் பயிற்சி ஆட்டத்தில் விளையாடுகிறது. 3 ஆட்டங்கள் கொண்ட டி20 தொடர் ஜூலை 7 அன்றும் 3 ஆட்டங்கள் கொண்ட ஒருநாள் தொடர் ஜூலை 12 அன்றும் தொடங்குகின்றன. இதன்பிறகு இந்திய அணி மேற்கிந்தியத் தீவுகளுக்குச் சுற்றுப்பயணம் செய்து 3 ஒருநாள், 5 டி20 ஆட்டங்களில் விளையாடுகிறது.

இங்கிலாந்துக்குப் புறப்பட்டுச் சென்ற இந்திய அணி வீரர்கள் (படங்கள்)

ஐபிஎல் ஆட்டங்களின் எண்ணிக்கை அதிகரிக்குமா?: கங்குலி பதில்

இந்திய அணியில் இடமில்லை: நள்ளிரவில் வேதனையை வெளிப்படுத்திய தெவாதியா

பிருத்வி ஷாவுக்கு ஏன் வாய்ப்பில்லை?: ரசிகர்கள் கேள்வி

ஐபிஎல் போட்டியில் நான் விளையாடக் கூடாது என்றார்கள்: பேர்ஸ்டோ

கால்பந்து உலகக் கோப்பைப் போட்டிக்குத் தகுதி பெற்ற 32 அணிகளின் பட்டியல்