கரோனா வைரஸ் தாக்கம் காரணமாக ஆப்பிள் நிறுவனம் தனது ஐபோன் 12 வெளியீட்டை தாமதப்படுத்தும் என்று தகவல் வெளியாகியுள்ளது.
கரோனா வைரஸ் காரணமாக ஆப்பிள் நிறுவன பொறியாளர்கள் ஆசியாவிற்கு பயணிக்கத் தடை விதித்துள்ளதால், நிறுவனத்தின் அடுத்த புதுவரவான ஐபோன் 12 வளர்ச்சியை பாதித்துள்ளது. இதனால், ஐபோன் 12 வெளியாவது தாமதமாகலாம் என்று பேசப்படுகிறது.
கரோனா வைரஸ் கட்டுப்பாடுகள் சீனாவில் 5 ஜி ஐபோன்களுக்கான பொறியியல் சரிபார்ப்பு சோதனைகளை (ஈ.வி.டி) தாமதப்படுத்தியுள்ளன என்று டிஜி டைம்ஸ் சமீபத்தில் செய்தி வெளியிட்டது.
மேலும், கரோனா தாக்கம் காரணமாக நடப்பு காலாண்டில் ஸ்மார்ட் போன்கள் மூலம் கிடைக்கும் வருவாய் மிகப்பெரிய அளவில் பாதிக்கும் என்றும் எச்சரிக்கை விடுக்கப்பட்டுள்ளது.