ரெட்மி பயனர்களே.. நோட் 9 சீரிஸ் ஸ்மார்ட்போன்கள் வெளியானது!

ஸியோமி தயாரிப்புகளான ரெட்மி நோட் 9 ப்ரோ மற்றும் ரெட்மி நோட் 9 ப்ரோ மேக்ஸ் ஆகியவை இன்று அறிமுகமாகியுள்ளன.

Updated On :12 மார்ச் 2020, 10:46 am

ஸியோமி தயாரிப்புகளான ரெட்மி நோட் 9 ப்ரோ மற்றும் ரெட்மி நோட் 9 ப்ரோ மேக்ஸ் ஆகியவை இன்று அறிமுகமாகியுள்ளன.

ஸியோமி தயாரிப்புகளில் ரெட்மி நோட் 8 யைத் தொடர்ந்து நோட் 9 சீரிஸ் ஸ்மார்ட்போன்கள் இந்தியாவில் அறிமுகப்படுத்தப்பட்டுள்ளது.

நோட் மற்றும் நோட் ப்ரோ ஸ்மார்ட்போன்களை அறிமுகப்படுத்தும் ரெட்மி சீரிஸ் இந்த முறை நோட் ப்ரோ மற்றும் ரெட்மி நோட் ப்ரோ மேக்ஸ் என்ற மாடல்களை அறிமுகம் செய்துள்ளது.

இரண்டு புதிய ஸ்மார்ட்போன்களும் குவாட் ரியர் கேமராக்களுடன் வருகின்றன. இதில் ரெட்மி 9 ப்ரோ மேக்ஸ் 6 ஜிபி ரேம் + 64 ஜிபி, 6 ஜிபி ரேம் + 128 ஜிபி, 8 ஜிபி ரேம் + 128 ஜிபி ஆகிய வேரியண்டுகளில் வருகிறது.

அதேபோன்று, ரெட்மி நோட் 9 புரோ 4 ஜிபி ரேம் + 64 ஜிபி, 6 ஜிபி ரேம் + 128 ஜிபி வேரியண்டுகளில் வருகிறது.

இரண்டுமே நீல (Aurora Blue), வெள்ளை(Glacier White) மற்றும் கருப்பு (Interstellar Black) நிறங்களில் வருகிறது. ரெட்மி நோட் 9 ப்ரோ மார்ச் 17 ஆம் தேதியும், ரெட்மி நோட் 9 ப்ரோ மேக்ஸ் மார்ச் 25 ஆம் தேதியும் அமேசான், எம்.ஐ டாட் காம் தளங்களில் விற்பனைக்கு வரவிருக்கின்றன.