தலைநகரில் பட்டாசு வெடிக்கத் தடை

புது தில்லி: தலைநகா் தில்லியில் பட்டாசுகள் வெடிக்கத் தடை விதிக்கப்பட்டுள்ளது.

தில்லியில் அதிகரித்து வரும் கரோனா பாதிப்பு, காற்று மாசு தொடா்பாக தில்லி தலைமைச் செயலா் விஜய் குமாா் தேவ், சுகாதாரத் துறை அதிகாரிகள், மாவட்ட ஆட்சியா்களுடன் நடந்த ஆலோசனைக் கூட்டத்துக்குப் பிறகு கேஜரிவால் இதை அறிவித்துள்ளாா்.

இது தொடா்பாக கேஜரிவால் தனது சுட்டுரைப் பக்கத்தில் கூறியிருப்பது: தில்லியில் கரோனா நிலவரம் தொடா்பாக தலைமைச் செயலா், சுகாதாரத் துறை அதிகாரிகள், மாவட்ட ஆட்சியா்களுடன் ஆலோசனைக் கூட்டம் நடத்தினேன். அப்போது தில்லியில் பட்டாசுகள் வெடிக்கத் தடை விதிக்கவும், மருத்துவ உள்கட்டமைப்பை மேம்படுத்தவும், தில்லி அரசு மருத்துவமனைகளில் ஆக்ஸிஜன், அவசர சிகிச்சை பிரிவு படுக்கைகளை அதிகரிக்கவும் முடிவு எடுக்கப்பட்டது. மேலும், இந்தக் கூட்டத்தில் தில்லியில் கரோனா உயிரிழப்புகளை கட்டுப்படுத்துவது தொடா்பாகவும் ஆராயப்பட்டது. தில்லி தனியாா் மருத்துவமனைகளில் கரோனா அவசர சிகிச்சைப் பிரிவு படுக்கைகளை அதிகரிப்பது தொடா்பான தில்லி அரசின் உத்தரவுக்கு உச்சநீதிமன்றம் தடை விதித்துள்ளது. தில்லியில் கரோனா பாதிப்பு அதிகரித்துள்ள நிலையில், இந்த உத்தரவை உச்சநீதிமன்றம் வாபஸ் பெறுவாா்கள் என நம்புகிறேன் என்று தெரிவித்துள்ளாா்.

முன்னதாக வியாழக்கிழமை மதியம் காணொலிக் காட்சி மூலம் செய்தியாளா்களை கேஜரிவால் சந்தித்தாா். அப்போது அவா் கூறியதாவது: அதிகரித்து வரும் காற்று மாசுவைக் கருத்தில் கொண்டு தில்லியில் பட்டாசு வெடிக்க வேண்டாம் என்று மக்களை கேட்டுக் கொள்கிறேன். தில்லி மக்களின் நல்வாழ்வுக்காக தீபாவளியன்று (நவம்பா் 14) மாலை 7.49 மணியளவில் தில்லி அரசு சாா்பில் லக்ஷ்மி பூஜை நடத்தப்படவுள்ளது. இதில், தில்லி அமைச்சா்கள் கலந்து கொள்வாா்கள். இந்த நிகழ்வை தில்லி மக்கள் தங்களது வீடுகளில் இருந்தே பாா்ப்பதற்கான வசதிகள் மேற்கொள்ளப்பட்டுள்ளன. மக்கள் இதை தொலைக்காட்சிகளிலும், இணைய வழியிலும் பாா்க்கலாம். மக்களும் அதே நேரம் வீடுகளில் இருந்தவாறு லக்ஷமி பூஜை செய்ய வேண்டும் எனக் கேட்டுக் கொள்கிறேன்.

இந்த பூஜையில் இரண்டு கோடி தில்லி மக்களும் கலந்து கொள்ள வேண்டும். தில்லியில் காற்று மாசு, கரோனா பாதிப்பு அதிகரித்துள்ளது. இதை, எதிா்கொள்ள தில்லி அரசு தயாராக உள்ளது. மக்கள் பட்டாசுகளை வெடிக்காமல் தீபாவளி பண்டிகையைக் கொண்டாட வேண்டும் எனக் கேட்டுக் கொள்கிறேன். அண்டை மாநிலங்களில் பயிா்க்கழிவுகள் எரிக்கப்படுவதால் தில்லியில் காற்று மாசு ஏற்படுகிறது. இதைத் தடுக்க அண்டை மாநில அரசுகள் கவனம் செலுத்தவில்லை. இதனால், தில்லி மக்கள் ஆண்டுதோறும் காற்று மாசு பிரச்னையை எதிா்கொள்கிறாா்கள் என்றாா் கேஜரிவால்.