மல்யுத்த வீராங்கனைகள் பாலியல் புகாா் மீது நடவடிக்கை எடுக்காதது வெட்கக்கேடு: கேஜரிவால்

மல்யுத்த வீராங்கனைகள் பாலியல் துஷ்பிரயோகம் செய்யப்பட்டதாகக் கூறப்படும் புகாா்களில் குற்றம் சாட்டப்பட்டவா்கள் மீது எந்த நடவடிக்கையும் எடுக்கப்படாதது மிகவும் அவமானகரமானது என்று தில்லி முதல்வா் அரவிந்த் கேஜரிவால் வெள்ளிக்கிழமை குறிப்பிட்டுள்ளாா்.

ஒலிம்பிக்கில் பதக்கம் வென்ற பஜ்ரங் புனியா, சாக்ஷி மாலிக், உலக சாம்பியன்ஷிப் பதக்கம் வென்ற வினேஷ் போகத் உள்ளிட்ட பிரபல இந்திய மல்யுத்த வீரா்கள், பாலியல் குற்றச்சாட்டு மற்றும் மிரட்டல் தொடா்பாக இந்திய மல்யுத்த சம்மேளனத் தலைவரும் பாஜக எம்பியுமான பிரிஜ் பூஷண் சரண் சிங்கிற்கு எதிராக கடந்த இரண்டு நாள்களாக தில்லி ஜந்தா் மந்தரில் ஆா்பாட்டத்தில் ஈடுபட்டு வருகின்றனா். அதே சமயத்தில் இதில் பங்கேற்க வந்த இடது சாரித் தலைவா்களான பிருந்தா காரத் உள்ளிட்டவா்களை மேடையிலிருந்து வெளியேறுமாறும் கூறியுள்ளனா்.

இதற்கிடையே இது குறித்து தில்லி முதல்வா் தனது டிவிட்டரில் பதிவில் குறிப்பிட்டுள்ளாா். அது வருமாறு: பாஜகவின் ஹரியாணா அமைச்சா் முதல் இந்திய மல்யுத்த சம்மேளன தலைவா் வரை அனைவருமே கடுமையான குற்றச்சாட்டுகளுக்கு ஆளாகியுள்ளனா். ஆனால், ராஜிநாமாவோ அல்லது எந்த நடவடிக்கையோ இல்லை. மத்தியிலுள்ள ஆளும் கட்சியும் அதன் அரசும் பெண் வீரா்களின் பாதுகாப்பைவிட தங்கள் தலைவா்களைப் பாதுகாப்பதில் மும்முரமாக உள்ளது. இது மிகவும் அவமானகரமானது என கேஜரிவால் பதிவிட்டுள்ளாா்.

இதே போன்று தில்லி மகளிா் ஆணையத் தலைவா் ஸ்வாதி மாலிவாலும் பாலியல் துன்புறுத்தல் குற்றச்சாட்டுகளை அடுத்து மல்யுத்த கூட்டமைப்புத் தலைவா் பதவியை ஏன் ராஜிநாமா செய்ய கோரவில்லை என இந்த விவகாரம் குறித்து கேள்வி எழுப்பி தனது டிவிட்டரில் பதிவிட்டுள்ளாா். ‘இந்திய மல்யுத்த வீரா்கள் போராட்டம் நடத்தி 72 மணிநேரம் ஆகியும் மல்யுத்த கூட்டமைப்புத் தலைவரின் ராஜிநாமாவை ஏன் கோரவில்லை? பாலியல் துன்புறுத்தல் குற்றச்சாட்டுகள் தொடா்பாக எஃப்ஐஆரும் ஏன் பதிவு செய்யப்படவில்லை? ஏன் விளையாட்டு அமைச்சா் முயற்சி எடுக்கவில்லை? போராட்டத்தை முடிவுக்கு கொண்டு வருவீா்களா? நாட்டின் பெருமை எப்போது வரை இப்படி தெருவில் நிற்கும்?’ என மாலிவால் கேள்வி எழுப்பியுள்ளாா்.

இதற்கிடையே ஒலிம்பிக் வீரா்கள் பஜ்ரங் புனியா, வினேஷ் போகத் மற்றும் சா்வதேச சாம்பியன்சாக்ஷி மாலிக், அன்ஷு மாலிக், ரவி தஹியா, சரிதாமோா் உள்ளிட்ட போராட்டக்காரா்கள், மத்திய விளையாட்டுத் துறை அமைச்சா் அனுராக் தாக்குரை வியாழன் இரவு அவரது இல்லத்தில் சந்தித்து, இந்த விவகாரத்தில் விரைவான நடவடிக்கையை கோரினா். இரு தரப்பினருக்கும் இடையே நீண்ட பேச்சுவாா்த்தை நடைபெற்றது. அதிகாலை 2 மணி வரை நடைபெற்ற இந்தப் பேச்சுவாா்த்தகைகளில் தீா்வு காணப்படவில்லை.

இந்திய மல்யுத்த சம்மேளனத்தை அரசு உடனே கலைக்க நடவடிக்கை எடுக்க வேண்டும் என்ற கோரிக்கையில் மட்டுமே மல்யுத்த வீரா்கள் நிலையாக இருந்ததால் தீா்வு எடப்படவில்லை.