பெங்களூரு பல்கலைக்கழகம் நடத்திய எம்.பி.ஏ., எம்.பிஎட்., எம்.சி.ஏ. தேர்வுமுடிவுகள் அறிவிக்கப்பட்டுள்ளன.
இதுகுறித்து பெங்களூரு பல்கலைக்கழகம் வெளியிட்ட செய்திக் குறிப்பு: பெங்களூரு பல்கலைக்கழகம் சார்பில் கடந்த ஜூன் மாதம் நடத்தப்பட்ட எம்பிஏ முதுநிலைப் பட்டப்படிப்பின் 4-ஆவது செமஸ்டர், எம்சிஏ முதுநிலைப் பட்டப்படிப்பின் 6-ஆவது செமஸ்டர் மற்றும் எம்பிஎட் முதுநிலைப் பட்டப் படிப்பின் 4-ஆவது செமஸ்டர் தேர்வு முடிவுகள்
அறிவிக்கப்பட்டுள்ளன.
சம்பந்தப்பட்ட கல்லூரி முதல்வர்கள், பெங்களூரு பல்கலைக்கழகத்தின் தேர்வுமையத்தில் இருந்து தேர்வுமுடிவுகளை பெற்றுச் சென்று மாணவர்களுக்கு அறிவிக்குமாறு கேட்டுக் கொள்ளப்படுகிறார்கள். விடைத்தாள்களின் நகல் பெறவும், மறுமதிப்பீட்டுக்கு விண்ணப்பிக்கவும் அக்.31-ஆம் தேதி கடைசிநாளாகும்.
இதற்கான பட்டியலை தயார் செய்து கல்லூரிகள் பல்கலைக்கழகத்திற்கு அக்.25-ஆம் தேதிக்குள் அளிக்க வேண்டும். இந்த தேர்வு முடிவுகளை w‌w‌w.​b​a‌n‌g​a‌l‌o‌r‌e‌u‌n‌i‌v‌e‌r‌s‌i‌t‌y.​a​c.‌i‌n என்ற இணையதளத்தில் காணலாம் என்று அதில் கூறப்பட்டுள்ளது.