பயணிகள் வருகை குறைந்துள்ளதால் கே.எஸ்.ஆா். பெங்களூரு-சென்னை சிறப்பு ரயில் சேவை ரத்து செய்யப்பட்டுள்ளது.

இதுகுறித்து தென்மேற்கு ரயில்வே வெளியிட்டுள்ள செய்திக் குறிப்பு: கரோனா தொற்று பரவலையடுத்து பொது முடக்கம் அறிவிக்கப்பட்டது. பொது முடக்கத்தின் போது தளா்வுகள் அறிவிக்கப்பட்டதையடுத்து, பல்வேறு முக்கிய நகரங்களுக்கு சிறப்பு ரயில்கள் இயக்கப்பட்டு வந்தன. அதன்படி, சென்னை-பெங்களூரு இடையேயும் சிறப்பு ரயில்கள் இயக்கப்பட்டன. தற்போது பயணிகள் வருகை குறைந்துள்ளதால், கே.எஸ்.ஆா். பெங்களூரு-சென்னை (02027/02028) சிறப்பு ரயில் சேவை நவ. 21-ஆம் தேதி முதல் மறு அறிவிப்பு வரும் வரை ரத்து செய்யப்பட்டுள்ளது என அதில் தெரிவிக்கப்பட்டுள்ளது.