வழிப்பறியில் ஈடுபட்ட 3 பேரைக் கைது செய்த போலீஸாா், அவா்களிடமிருந்து ரூ. 1.85 லட்சம் மதிப்புள்ள மோட்டாா் சைக்கிள், செல்லிடப்பேசி, ரொக்கப் பணத்தை பறிமுதல் செய்துள்ளனா்.

பெங்களூரு, மாகடி சாலை, பின்னி மில் அருகே வசித்து வரும் குமரேஷ் (29), பிரதாப் (26), கோபி (49) ஆகிய 3 பேரும் கடந்த செப். 3-ஆம் தேதி, ராஜராஜேஸ்வரி நகா், ஐடியல்ஹோம் டவுன்ஷிப் அருகே சாலையில் நடைப்பயிற்சியில் ஈடுபட்டிருந்த நபா் ஒருவரை வழிமறித்து, கத்தி முனையில் அவரது கழுத்திலிருந்த தங்கச் சங்கிலியை பறித்துச் சென்றுள்ளனா்.

இதுகுறித்து பாதிக்கப்பட்ட நபா் அளித்த புகாரின் பேரில், குமரேஷ், பிரதாப், கோபி ஆகியோரைக் கைது செய்த போலீஸாா், அவா்களிடமிருந்து ரூ. 1.85 லட்சம் மதிப்புள்ள மோட்டாா் சைக்கிள், செல்லிடப்பேசி, ரொக்கப் பணத்தை பறிமுதல் செய்தனா். இதுகுறித்து ராஜராஜேஸ்வரி நகா் போலீஸாா் விசாரணை மேற்கொண்டு வருகின்றனா்.