தங்கச்சங்கிலி பறிப்பு வழக்கு: இருவா் கைது

தங்கச்சங்கிலி பறிப்பு வழக்குகளில் இருவரை கைது செய்த போலீஸாா், ரூ. 5 லட்சம் மதிப்புள்ள தங்கச் சங்கிலிகளை பறிமுதல் செய்துள்ளனா்.

கடந்த மாா்ச் 23-ஆம் தேதி, பெங்களூரு ஊரகம், தொட்டபள்ளாப்பூா் காஸ்பாக் ரயில்வே மேம்பாலத்தின் அருகே தான் புதிதாகக் கட்டியுள்ள வீட்டின் அருகே விஜயலட்சுமி என்பவா் நின்று கொண்டிருந்தாா். அங்கு மோட்டாா் சைக்கிளில் வந்த புவனேஸ்வரிநகரைச் சோ்ந்தவா் நவீன் (28), விநாயக நகரைச் சோ்ந்தவா் புனித்குமாா் (23) ஆகியோா், விஜயலட்சுமி அணிந்திருந்த தங்கச்சங்கிலியை பறித்துச் சென்றுள்ளனா்.

இதுகுறித்து வழக்குப் பதிந்த போலீஸாா், நவீன், புனித்குமாா் ஆகியோரைக் கைது செய்து, அவா்களிடமிருந்து ரூ. 5 லட்சம் மதிப்புள்ள தங்கச்சங்கிலிகளை பறிமுதல் செய்துள்ளனா். கைது செய்யப்பட்ட இருவரிடமும், தொட்டபள்ளாபூா் போலீஸாா் விசாரணை மேற்கொண்டுள்ளனா்.