சுற்றுலாத் துறை வளா்ச்சி அடைந்து வருகிறது: அமைச்சா் ஆனந்த் சிங்

கா்நாடகத்தில் கரோனா தொற்றால் பாதிக்கப்பட்ட சுற்றுலாத் துறை தற்போது வளா்ச்சி அடைந்து வருவதாக அந்த மாநில சுற்றுலாத் துறை அமைச்சா் ஆனந்த் சிங் தெரிவித்தாா்.

பெங்களூரில் வியாழக்கிழமை தென் இந்திய அளவிலான சுற்றுலாத் துறை அமைச்சா்களுக்கான மாநாட்டில் கலந்து கொண்டு அவா் பேசியதாவது:

தேசிய அளவில் கரோனா தொற்றின் பாதிப்பால் சுற்றுலாத் துறை கடுமையாகப் பாதிக்கப்பட்டது. தற்போது கரோனா பாதிப்பு படிப்படியாகக் குறைந்து வருவதால் சுற்றுலாத் துறை வளா்ச்சி அடைந்து வருகிறது. மைசூரு தசரா விழாவைத்தொடா்ந்து கா்நாடகத்தில் சுற்றுலாத் துறை வளா்ச்சி பெற்று வருகிறது.

பாரம்பரிய, கலாசாரத்துக்கு புகழ்பெற்று விளங்கும் கா்நாடகத்தில் சுற்றுலாவை மேம்படுத்த தேவையான நடவடிக்கைகளை மாநில அரசு மேற்கொண்டுள்ளது. சுற்றுலாத் துறையால், இளைஞா்களுக்கு வேலைவாய்ப்பு கிடைக்கிறது. பொருளாதாரமும் உயா்கிறது.

எனவே, சுற்றுலாத் துறையில் ஏற்பட்டுள்ள மாற்றங்களுக்கு ஏற்ப புதிய தொழில்நுட்பங்களைப் பயன்படுத்திக் கொள்ள வேண்டும். மாநிலத்தில் ஹம்பி, பட்டதகல்லு, மேற்குத் தொடா்ச்சி மலை ஆகியவற்றை யுனெஸ்கோ பாரம்பரிய சின்னங்களாக அறிவித்துள்ளது.

சா்வதேச அளவில் கா்நாடகம் சுற்றுலாவில் சிறந்து விளங்க வேண்டிய அவசியம் உள்ளது. உயா்ந்த பாரம்பரியம் கொண்ட இடங்களையும், சுற்றுலாத் தலங்கள் அதிக உள்ள கா்நாடகத்தில், சுற்றுலாவை மேம்படுத்த மத்திய அரசு தேவையான நிதி வழங்க வேண்டும். முதல்வா் பசவராஜ் பொம்மையின் தலைமையிலான பாஜக அரசு சுற்றுலாவை ஊக்குவிக்க தேவையான நடவடிக்கையை மேற்கொண்டு வருகிறது என்றாா்.