ஆா்.எஸ்.எஸ். அமைப்பைக் கண்டு உண்மையில் எனக்கு பயம்: சித்தராமையா

 ஆா்.எஸ்.எஸ். அமைப்பை கண்டு உண்மையில் எனக்கு பயம் உண்டு என்று கா்நாடக எதிா்க்கட்சித் தலைவா் சித்தராமையா தெரிவித்தாா்.

இது குறித்து தனது ட்விட்டா் பக்கத்தில் வியாழக்கிழமை எதிா்க்கட்சித் தலைவா் சித்தராமையா கூறியது:

ஆா்.எஸ்.எஸ். அமைப்பைக் கண்டால் எனக்கு பயம் என்று முன்னாள் மத்திய அமைச்சா் சதானந்தகௌடா கூறியுள்ளாா். அவா் கூறியிருப்பது நூற்றுக்கு நூறு உண்மை. தனது தாய் அமைப்பு குறித்து சதானந்த கௌடா ஏன் இப்படி குற்றம்சாட்டியுள்ளாா் என்பதை அவா்தான் விளக்க வேண்டும். ஆா்.எஸ்.எஸ். மீதிருந்த பயத்தின் காரணமாகவே, மகாத்மா காந்தி கொல்லப்பட்டபிறகு, நாட்டின் முதல் உள்துறை அமைச்சா் சா்தாா் வல்லபபாய் படேல், ஆா்.எஸ்.எஸ். அமைப்புக்கு தடை விதித்திருந்தாா் என்பது அனைவரும் அறிந்ததே.

இந்த நாட்டின் பெரும்பான்மை மக்களாகிய பிற்படுத்தப்பட்டோா் மற்றும் தாழ்த்தப்பட்டோரை அமைப்பின் உயா்ந்த பதவிகளில் இருந்து விலக்கி வைத்திருப்பதால், அந்த சமுதாய மக்களை போலவே எனக்கும் ஆா்.எஸ்.எஸ். அமைப்பைக் கண்டால் பயம் உண்டு. இடஒதுக்கீடு, நிலச்சீா்திருத்தம் போன்றவற்றில் பெரும்பாலான பயனாளிகளான பிற்படுத்தப்பட்ட மக்களுக்கான சமூக நீதி சட்டங்களையே எதிா்க்கும் ஆா்.எஸ்.எஸ். மீது பயம் இல்லாமல், அன்பா இருக்கும்?

எந்த தனிநபா்-சித்தாந்தம்-அமைப்பாக இருந்தாலும் பிறா் மனதில் கௌரவத்தை விதைக்க வேண்டுமே அன்றி பயத்தை விதைக்கக் கூடாது. இது குறித்து சுயசோதனை செய்துகொள்ள வேண்டியவா்கள், பயத்தை ஏற்படுத்துவோரே அன்றி, பயப்படுவோா் அல்ல. ஆா்.எஸ்.எஸ். அமைப்பின் உயா்பதவிகள் ஒரு ஜாதிக்குள் மட்டும் அடங்கியிருக்கிறதே ஏன்? அந்த அமைப்பின் உயா்பதவியில் ஹிந்துக்களான தாழ்த்தப்பட்டோா், பிற்படுத்தப்பட்டோா் ஏன் அமா்த்தப்படுவதில்லை? என்ற எனது கேள்விக்கு ஏன் யாரும் பதில் சொல்ல மறுக்கிறாா்கள்? என்று சித்தராமையா தனது பதிவில் கூறியுள்ளாா்.