பெங்களூரில் சட்டவிரோதமாக தங்கியிருந்த வெளிநாட்டைச் சோ்ந்த 32 பேரை போலீஸாா் கைது செய்துள்ளனா்.

அண்மையில் புதுதில்லியில் நடத்திய சோதனையில் நைஜீரியா நாட்டை சோ்ந்தவரின் தலைமையில் இயங்கிய 9போ் கொண்ட கும்பலை சுற்றிவளைத்து கைதுசெய்த தேசிய போதைப்பொருள் கட்டுப்பாட்டு பணியகம், அவா்களிடம் இருந்து ரூ. 52.5 கோடி மதிப்பிலான 34.89 கிலோ எடை கொண்ட ஹெராயின் போதைப்பொருளை பறிமுதல் செய்தது. இதை தொடா்ந்து, விசா காலம் முடிவடைந்தபிறகும் பெங்களூரில் தங்கியிருக்கும் வெளிநாட்டு குடிமக்கள் குறித்த விசாரணையில் போலீஸாா் இறங்கினா். இது தொடா்பாக திரட்டப்பட்ட தகவலின் அடிப்படையில் போலீஸாா் திடீா் சோதனையில் ஈடுபட்டனா்.

இதில் செல்லுபடியாகும் ஆவணங்கள் இல்லாமல் இருக்கும் வெளிநாட்டினரை போலீஸாா் கண்டறிந்தனா். எவ்வித ஆவணமும் இல்லாமல் சட்டவிரோதமாக தங்கியிருந்த 32 பேரை போலீஸாா் கைதுசெய்தனா். இவா்களில் 13 போ் பெண்கள். பெரும்பாலானவா்கள் ஆப்பிரிக்க நாடுகளைச் சோ்ந்தவா்களாக இருந்ததாக போலீஸாா் தெரிவித்தனா். ‘அவா்களின் அடையாளம், முகவரி எதையும் சரிபாா்க்கும் ஆவணங்கள் இல்லை. காலம்கடந்தும் சட்டவிரோதமாக பெங்களூரில் தங்கியிருந்தவா்களிடம் தொடா்ந்து விசாரணை நடந்துவருகிறது. மேலும் அவா்கள் மீது சட்டப்படியான நடவடிக்கை எடுக்கப்படும்’ என்று போலீஸாா் தெரிவித்தனா்.