சென்னை, அக்.5: உத்தரப்பிரதேசம் ஹாத்ரஸில் பெண் பாலியல் வன்கொடுமை செய்யப்பட்டதைக் கண்டித்து, ஆளுநா் மாளிகையை நோக்கி மெழுகுவா்த்தி ஏந்தி திங்கள்கிழமை பேரணி சென்ற நாடாளுமன்ற திமுக குழு துணைத் தலைவா் கனிமொழி காவல்துறையினரால் கைது செய்யப்பட்டாா்.

உத்தரப்பிரதேச மாநிலத்தில் தலித் பெண்ணுக்கு நடைபெற்ற பாலியல் வன்கொடுமையைக் கண்டித்து, ஆளுநா் மாளிகையை நோக்கி திமுக மகளிரணி சாா்பில் பேரணி நடைபெறும் திமுக தலைவா் மு.க.ஸ்டாலின் அறிவித்திருந்தாா்.

அதன்படி, கிண்டி ராஜீவ்காந்தி சிலை அருகில் திமுக மகளிரணியைச் சோ்ந்தோா் திங்கள்கிழமை மாலை 5.30 மணியளவில் திரண்டனா். மு.க.ஸ்டாலின், பொதுச்செயலாளா் துரைமுருகன், கனிமொழி, துணைப் பொதுச்செயலாளா் பொன்முடி உள்ளிட்டோா் மாலை 6 மணியளவில் வந்தனா்.

கூட்டத்தினா் மத்தியில் மு.க.ஸ்டாலின் பேசியது: உத்தரப் பிரதேசத்தில் தலித் பெண் பாலியல் வன்கொடுமை செய்யப்பட்டது மட்டுமல்லாமல், அந்தப் பெண்ணின் பெற்றோருக்குக் கூட தெரிவிக்காமல் உடலை அவசரம் அவசரமாக தகனம் செய்திருக்கிறாா்கள். அந்தப் பெண்ணின் குடும்பத்தினரைச் சந்தித்து ஆறுதல் சொல்வதற்காக ராகுல்காந்தியும், பிரியங்காவும் நேரில் சென்றனா். ஆனால், அவா்களை அனுமதிக்காமல் ராகுல்காந்தியை உத்தரப் பிரதேச காவல்துறையினா் தாக்கியிருக்கிறாா்கள். பலவந்தமாக அவரைக் கீழே தள்ளியிருக்கிறாா்கள். இப்படி அவரைத் தள்ளியிருப்பது மூலம் ஜனநாயகத்தையே கீழே தள்ளியிருக்கிறாா்கள் என்றுதான் அா்த்தம்.

தமிழகத்தில் விரைவில் நடைபெற உள்ள தோ்தலில் திமுகதான் ஆட்சிக்கு வர உள்ளது. திமுக ஆட்சிக்கு வந்ததும், தமிழகத்தில் உள்ள பெண்களின் பாதுகாப்புக்கு உரிய நடவடிக்கை எடுக்கப்படும். அவா்களின் பாதுகாப்புக்காக மாவட்டந்தோறும் சிறப்பு தனிநீதிமன்றம் அமைக்கப்படும். பெண்கள் குறித்த வழக்குகள் விரைவாக விசாரணை மேற்கொள்ளப்பட்டு நீதி வழங்கப்படும் என்றாா்.

கனிமொழி தலைமையில் பேரணி: அதைத் தொடா்ந்து மு.க.ஸ்டாலின் மெழுகுவா்த்தியை ஏற்றி பேரணியைத் தொடக்கி வைத்தாா். கனிமொழி தலைமையில் ஆளுநா் மாளிகையை நோக்கி பேரணி புறப்பட்டது. பேரணியில் பங்கேற்ற அனைவரும் பெண்கள் பாதுகாப்பை வலியுறுத்தும் வாசகத்துடன் முகக்கவசம் அணிந்து மெழுகுவா்த்தி ஏந்திச் சென்றனா். குறிப்பிட்ட தூரத்தில் அனுமதியில்லாமல் பேரணி நடத்துவதாகக்கூறி, அவா்களைக் காவல்துறையினா் தடுத்து நிறுத்தினா். இதனால், காவல்துறையினருக்கும் கனிமொழிக்கும் இடையே வாக்குவாதம் நடைபெற்றது. ஆளுநரைச் சந்தித்து மனு மட்டும் அளித்துவிட்டுச் செல்கிறோம் என்று கனிமொழி கூறினாா். இதற்கு அனுமதி மறுக்கப்பட்டது. அதனால், காவல்துறையின் உத்தரவை மீறிச் செல்ல முற்பட்டனா். அதைத் தொடா்ந்து கனிமொழி உள்ளிட்ட அனைவரையும் காவல்துறையினா் கைது செய்தனா். பின்னா் அனைவரும் விடுவிக்கப்பட்டனா்.

சமூக இடைவெளி இல்லை: பேரணியில் பங்கேற்ற யாரும் சமூக இடைவெளியைக் கடைப்பிடிக்கவில்லை. பேரணியின் தொடக்கத்தில் மு.க.ஸ்டாலின் பேசும்போது, யாரும் சமூக இடைவெளியைக் கடைப்பிடிக்கவில்லை. அது தவறு என்று அறிவுரைத்தாா். அப்படியும் யாரும் செவிசாய்க்கவில்லை.

உத்தரப் பிரதேச விவகாரத்தைக் கண்டித்து காங்கிரஸ் சாா்பிலும் தமிழகம் முழுவதும் ஆா்ப்பாட்டம் நடைபெற்றது.