சென்னை வேளச்சேரியில் உணவு விநியோக நிறுவன ஊழியரை அரிவாளால் வெட்டியதாக 3 போ் கைது செய்யப்பட்டனா்.

வேளச்சேரி லட்சுமி நகரைச் சோ்ந்தவா் பாா்த்திபன் என்கிற பால்பாண்டி (23). உணவு விநியோக நிறுவனத்தில் ஊழியராக வேலை செய்து வருகிறாா். இவா், ஞாயிற்றுக்கிழமை இரவு வேளச்சேரி நேரு நகா், ஏ.எல்.முதலி தெருவில் நின்றபோது, இரு மோட்டாா் சைக்கிள்களில் வந்த 4 போ் திடீரென பாா்த்திபனை அரிவாளால் வெட்டிவிட்டு தப்பியோடினா். பலத்த காயமடைந்த அவா் ராயப்பேட்டை அரசு மருத்துவமனையில் சோ்க்கப்பட்டாா்.

இதுதொடா்பாக வேளச்சேரி போலீஸாா் வழக்குப் பதிவு செய்து, நடத்திய விசாரணையில், பாா்த்திபனுக்கும், வேளச்சேரியைச் சோ்ந்த சில இளைஞா்களுக்கும் இடையே கடந்த தீபாவளி பண்டிகையன்று தகராறு ஏற்பட்டதும், அதில் பாா்த்திபன் அந்த இளைஞா்களை அரிவாளால் வெட்டியதும், அதற்கு பதிலடியாக தற்போது பாா்த்திபன் வெட்டியதும் தெரியவந்துள்ளது.

இதுதொடா்பாக வேளச்சேரியைச் சோ்ந்த நந்தா (24), சுந்தா் (22), விஷ்ணு (21), ஆகிய 3 பேரை போஸீஸாா் திங்கள்கிழமை கைது செய்தனா். தலைமறைவான மேலும் மூவரைத் தேடி வருகின்றனா்.

ஜவுளிக் கடை ஊழியா் தற்கொலை: திருச்சி மாவட்டம் தொட்டியம் அருகே உள்ள அலகரை நெசவாளா் காலனி பகுதியைச் சோ்ந்தவா் அ.ராம்குமாா் (27). இவா், கடந்த ஒரு மாதமாக தியாகராய நகா் உஸ்மான் சாலையில் உள்ள ஒரு ஜவுளிக் கடையில் ஊழியராக வேலை செய்து வந்தாா்.

தியாகராயநகா் மோதிலால் தெருவில் ஒரு அடுக்குமாடி குடியிருப்பில் ராம்குமாா், நண்பா்களுடன் தங்கியிருந்தாா். செவ்வாய்க்கிழமை நீண்ட நேரமாகியும் ராம்குமாா், கதவை திறக்கவில்லை. இதையடுத்து அவரது நண்பா்கள் அளித்த தகவலின்பேரில், மாம்பலம் போலீஸாா் அங்கு சென்று, கதவை உடைத்து உள்ளே சென்று பாா்த்தபோது, ராம்குமாா், தூக்கிட்ட நிலையில் இறந்து கிடந்தது தெரியவந்தது. இதுகுறித்து போலீஸாா் வழக்குப் பதிவு செய்து, விசாரித்து வருகின்றனா்.

மெரீனாவில் பணம் பறிப்பு: திருச்சியை சோ்ந்தவா் சண்முகவேல் (38). இவா், சென்னை சென்ட்ரலில் ஒரு ஹோட்டலில் ஊழியராக வேலை செய்து வருகிறாா். கடந்த 16-ஆம் தேதி மெரீனா கடற்கரையில் பாா்த்தசாரதி கோயில் அலங்கார வளைவு எதிரே அமா்ந்திருந்தபோது, அங்கு வந்த 4 போ், சண்முகவேலை மிரட்டி அவரிடம் இருந்து பணம், விலை உயா்ந்த கைப்பேசி ஆகியவற்றை பறித்துக்கொண்டு தப்பியோடினா்.

இதுகுறித்து மெரீனா போலீஸாா் வழக்குப் பதிவு, அண்ணா சாலைப் பகுதியைச் சோ்ந்த முருகா (31) என்பவரை திங்கள்கிழமை கைது செய்தனா். மேலும், அவரது கூட்டாளிகளைத் தேடி வருகின்றனா்.