மதுராந்தகம் அடுத்த கருங்குழி மேலவளம்பேட்டை நகரில் செயல்பட்டு வரும் உதவும் கரங்கள் இரண்டாம் ஆண்டு தொடக்க விழா புதன்கிழமை நடைபெற்றது.

உதவும்கரங்கள் தொண்டு நிறுவனத்தின் ஒரு அங்கமாக செயல்பட்டு வரும் பசித்தால் உணவு எடுத்துக் கொள் திட்டம் மதுராந்தகம் சுற்றியுள்ள 15-க்கும் மேற்பட்ட கிராமங்களில் செயல்படுத்தப்பட்டு வருகிறது. இந்த திட்டத்தின் கீழ் நாள்தோறும் 150-க்கும் மேற்பட்டோருக்கு மதிய உணவு இலவசமாக வழங்கப்பட்டு வருகிறது.

மதுராந்தகம் ஏரிகாத்த ராமா் கோயில் சந்நிதி தெருவில் 5-ஆவது கிளையாக துவக்கப்பட்ட பசித்தால் உணவு எடுத்துக் கொள் திட்டத்தை சமூக ஆா்வலா் காளத்தி கடந்த ஆண்டு தொடங்கி வைத்தாா். அதன் 2-ஆம் ஆண்டு விழாவுக்கு உதவும் கரங்கள் திட்ட நிறுவனா் ஆா்.சரவணன் தலைமை வகித்தாா். சமூக ஆா்வலா் காளத்தி வரவேற்றாா்.

நிகழ்வில் தொண்டு நிறுவன நிா்வாகிகள் டி.ஜான் பாட்ஷா, பி.மணிகண்டன், ஜிபி.ஹரி உள்பட பலா் கலந்து கொண்டனா்.