சென்னை பெரம்பூா் ரயில்வே மருத்துவமனை கரோனா சிறப்பு வாா்டில் சிகிச்சைக்காக சோ்க்கப்பட்ட 484 போ் குணமடைந்து வீடு திரும்பியுள்ளனா். 55 போ் மட்டும் தற்போது சிகிச்சை பெற்று வருகிறாா்கள்.

ரயில்வே துறையில் பணிபுரியும் கடைநிலை ஊழியா்கள் முதல் அதிகாரிகள் வரை 100-க்கும் மேற்பட்டவா்கள் கரோனா நோய்த்தொற்றால் பாதிக்கப்பட்டுள்ளனா். இவா்கள் பெரும்பாலும் பெரம்பூா் ரயில்வே மருத்துவமனையில் சிகிச்சை பெறுகின்றனா். இந்த மருத்துவமனையில் கரோனாவால் பாதிக்கப்பட்ட ரயில்வே ஊழியா்கள், ஓய்வு பெற்ற ரயில்வே ஊழியா்கள் மற்றும் அவா்களது குடும்பத்தினா்களுக்கு இலவச சிகிச்சை அளிப்பதற்காக, கரோனா சிறப்பு வாா்டு அமைக்கப்பட்டுள்ளது. 300-க்கும் மேற்பட்ட படுக்கைகள் உள்ளன.

இந்நிலையில், இந்த கரோனா சிறப்பு வாா்டில் சிகிச்சைக்காக சோ்க்கப்பட்ட 484 போ் பூரண குணமடைந்து வீடு திரும்பி உள்ளனா். மேலும் 55 போ் தற்போது சிகிச்சையில் உள்ளனா். 66 போ் சிகிச்சை பலனளிக்காமல் இறந்தனா். கரோனாவில் இருந்து குணமடைந்த ரயில்வே பாதுகாப்புப் படை வீரா்கள் 32 போ் தங்களது பிளாஸ்மாவை தானம் வழங்கி உள்ளனா்.

இதுதவிர, தற்போது குணமடைந்த தன்னாா்வ ரயில்வே ஊழியா்களிடம் இருந்து பிளாஸ்மா தானம் பெறும் நடவடிக்கையும் ரயில்வே மருத்துவமனை தரப்பில் மேற்கொள்ளப்படுகிறது.