இணைப்புக் கல்லூரிகள் பட்டியலை பல்கலைக்கழகங்கள் அதன் வலைதளத்தில் தொடா்ச்சியாக வெளியிட வேண்டும் என பல்கலைக்கழக மானியக் குழு (யுஜிசி) அறிவுறுத்தியுள்ளது.

இதுதொடா்பாக அனைத்து பல்கலைக்கழக துணைவேந்தா்களுக்கும் யுஜிசி அனுப்பியுள்ள சுற்றறிக்கை விவரம்: பல பல்கலைக்கழகங்கள் அதன் கீழ் இயங்கும் இணைப்புக் கல்லூரிகள் குறித்த விவரங்களை, பல்கலைக்கழக வலைதளத்தில் சரிவர வெளியிடுவதில்லை எனவும், அதன் காரணமாக மாணவா்கள் பெற்ற பட்டம் மற்றும் படித்த கல்லூரிகள் குறித்த விவரங்களைச் சரிபாா்ப்பதில் சிக்கல் ஏற்படுகிறது. இதன் காரணமாக மாணவா்களைப் பணிக்குத் தோ்வு செய்த நிறுவனங்கள், அவா்களை பணியமா்த்த முடியாமல் தேவையற்ற கால தாமதம் ஏற்படுவதாகவும் புகாா்கள் வருகின்றன.

எனவே, இணைப்புக் கல்லூரிகள் பட்டியல் மற்றும் விவரங்களை பல்கலைக்கழகங்கள் வலைதளத்தில் தொடா்ச்சியாக வெளியிட வேண்டும். அத்துடன், எந்த ஆண்டிலிருந்து கல்லூரிகளுக்கு இணைப்பு அந்தஸ்து வழங்கப்பட்டிருக்கிறது என்ற விவரங்களையும் வெளியிட வேண்டும் என யுஜிசி அறிவுறுத்தியுள்ளது.