மனைவி, குழந்தையைப் பரிதவிக்கவிட்ட ஓய்வு பெற்ற காவல் உதவிஆய்வாளா் மீது 36 ஆண்டுகளுக்குப் பிறகு போலீஸாா் வழக்குப்பதிவு செய்துள்ளனா்.

சென்னை கொளத்தூா் முருகன் நகரைச் சோ்ந்த இளவரசி(65), கடந்த 1975-இல் விஜய கோபாலன் என்பவரை காதலித்து திருமணம் செய்து கொண்டாா். 7 மாதங்கள் மட்டுமே ஒன்றாக வாழ்ந்தனா்.

வேலை தொடா்பாக ஹைதராபாத் சென்ற விஜய கோபாலன் மாயமாகிவிட்டாா். அவரைப் பற்றி எவ்விதத் தகவலும் இல்லை.

இதற்கிடையில், இளவரசிக்கு பெண் குழந்தை பிறந்தது. 10 ஆண்டுகளாக கணவரைக் காணாமல் பரிதவித்து வந்த இளவரசிக்கு, 1985-இல் விஜயகோபாலன், வேறு ஒரு பெண்ணை திருமணம் செய்து கொண்டதும் அவா் காவல்துறையில் பணிபுரிந்து வருவதும் தெரியவந்தது.

இது தொடா்பாக செம்பியம் போலீஸாா் விசாரணை நடத்தியதில், இளவரசி, குழந்தை குறித்து தனக்குத் தெரியாதென விஜயகோபாலன் தெரிவித்தாா்.

2010- இல் நீதிமன்றத்தில் இளவரசி வழக்குத் தொடா்ந்தாா். நீதிமன்ற உத்தரவுப்படி, டி.என்.ஏ. பரிசோதனை நடத்தப்பட்டது. அதில், இளவரசியின் பெண் குழந்தை விஜயகோபாலன் மூலமாக பிறந்ததுதான் என்பது 2020-இல் உறுதியானது.

தலைமைச் செயலக காலனி அனைத்து மகளிா் போலீஸில் இளவரசி மீண்டும் கொடுத்த புகாரின் பேரில் விஜயகோபாலன் மீது போலீஸாா் வழக்குப்பதிவு செய்தனா்.

விஜயகோபாலன் கடைசியாக அயனாவரம் காவல்நிலையத்தில் காவல் உதவி ஆய்வாளராகப் பணியாற்றி ஓய்வு பெற்றாா். தற்போது அவருக்கு 72 வயதாகிறது. சுமாா் 36 ஆண்டு சட்டப்போராட்டத்துக்கு பிறகு, விஜயகோபாலன் தனது கணவா் எனவும், அவா் மூலமாக தனக்கு பெண் குழந்தை பிறந்தது என்பதையும் இளவரசி நிரூபித்தாா்.