மூன்று விவசாயிகளுக்கு நம்மாழ்வாா் விருது: முதல்வா் மு.க.ஸ்டாலின் வழங்கினாா்

வேளாண்மையில் சிறந்து விளங்கும் மூன்று விவசாயிகளுக்கு நம்மாழ்வாா் விருதை முதல்வா் மு.க.ஸ்டாலின் வழங்கினாா். இதற்கான நிகழ்ச்சி தலைமைச் செயலகத்தில் அண்மையில் நடைபெற்றது. தமிழக அரசு சாா்பில் வியாழக்கிழமை வெளியிடப்பட்ட செய்திக் குறிப்பு: இயற்கை வேளாண்மையில் சிறந்து விளங்கும் விவசாயிகளுக்கு ஆண்டுதோறும் நம்மாழ்வாா் விருது வழங்கப்பட்டு வருகிறது. அதன்படி, நிகழாண்டு தஞ்சாவூா் மாவட்டத்தைச் சோ்ந்த கோ.சித்தருக்கு நம்மாழ்வாா் விருதுக்குரிய முதல் பரிசாக, ரூ.2.50 லட்சமும், திருப்பூா் மாவட்டத்தைச் சோ்ந்த கே.வி.பழனிச்சாமிக்கு, இரண்டாம் பரிசாக ரூ.1.50 லட்சமும், காஞ்சிபுரத்தைச் சோ்ந்த கு.எழிலனுக்கு, மூன்றாம் பரிசாக ரூ.1 லட்சமும் பரிசுத் தொகைகளை முதல்வா் மு.க.ஸ்டாலின் வழங்கினாா். அத்துடன், மூன்று பேருக்கும் விருதுக்கான பதக்கங்களையும் அவா் அளித்தாா். கருணாநிதி நூற்றாண்டு பூங்காவுக்கு அடிக்கல்: முன்னதாக, சென்னையில் உள்ள செங்காந்தள் பூங்காவுக்கு அருகே 6.09 ஏக்கா் நிலத்தில் கருணாநிதி நூற்றாண்டு பூங்கா அமைக்கப்படும் என்று சட்டப் பேரவையில் அறிவிக்கப்பட்டது. இந்த அறிவிப்பைச் செயல்படுத்தும் வகையில் டாக்டா் ராதாகிருஷ்ணன் சாலையில் அமைக்கப்படவுள்ள கருணாநிதி நூற்றாண்டு பூங்காவுக்கு முதல்வா் மு.க.ஸ்டாலின் அடிக்கல் நாட்டினாா். மேலும், ரூ.210.75 கோடி மதிப்பிலான வேளாண்மைத் துறைக்கான புதிய கட்டடங்களையும் அவா் திறந்து வைத்தாா். இந்த நிகழ்ச்சியில், அமைச்சா்கள் எம்.ஆா்.கே.பன்னீா்செல்வம், அர.சக்கரபாணி, ஆா்.காந்தி, தலைமைச் செயலா் சிவ் தாஸ் மீனா உள்பட பலா் பங்கேற்றனா்.