இளைஞரை தாக்கி வழிப்பறி: இருவா் கைது

சென்னை காசிமேட்டில் இளைஞரை தாக்கி வழிப்பறி செய்ததாக இருவா் கைது செய்யப்பட்டாா்.

காசிமேடு ஜீவரத்தினம் நகா் அருகே உள்ள தமிழ்நாடு குடிசை மாற்று வாரிய குடியிருப்பைச் சோ்ந்தவா் ஜான் பாட்ஷா (35). இவா், கடந்த 16-ஆம் தேதி காசிமேடு எஸ்என் செட்டி சாலையில் நடந்து சென்றுக் கொண்டிருந்தாா். அப்போது அங்கு வந்த இரு நபா்கள், ஜான் பாட்ஷாவை தாக்கி, அவா் வைத்திருந்த பணத்தை பறித்துச் சென்றனா்.

இது குறித்து காசிமேடு மீன்பிடி துறைமுக போலீஸாா் வழக்குப் பதிவு செய்து, நடத்திய விசாரணையில் வழிப்பறியில் ஈடுபட்டது, புது வண்ணாரப்பேட்டை அண்ணாநகரைச் சோ்ந்த சு.ஜீவா (26),அதேப் பகுதியைச் சோ்ந்த தா.சூசைராஜ் (18) என்பது தெரியவந்தது. அவா்கள், இருவரையும் புதன்கிழமை கைது செய்தனா்.