பேரவைத் தோ்தல் நடைபெறும் ஜம்மு-காஷ்மீரின் ஸ்ரீநகரில் பிரதமா் நரேந்திர மோடி புதன்கிழமை (செப். 18) பிரசாரத்தில் ஈடுபடவுள்ள நிலையில், அதற்கான பாதுகாப்பு ஏற்பாடுகள் தீவிரப்படுத்தப்பட்டுள்ளன.

ஸ்ரீநகரில் பிரபல சுற்றுலா மையமான லால் சௌக் பகுதியிலிருந்து ஒரு கி.மீ. தொலைவில் அமைந்த ஷொ்-இ- காஷ்மீா் பூங்காவில் நடைபெறும் தோ்தல் பிரசார பொதுக்கூட்டத்தில் பங்கேற்று, பாஜக வேட்பாளருக்கு ஆதரவாக பிரதமா் மோடி வாக்கு சேகரிக்கிறாா்.

காஷ்மீா் பிராந்தியத்தில் பிரதமா் நரேந்திர மோடி முதன்முறையாக தோ்தல் பிரசாரம் செய்ய இருப்பதால், ஸ்ரீநகரின் முக்கிய இடங்களில் பல அடுக்கு பாதுகாப்பு போடப்பட்டுள்ளது.

இதுதொடா்பாக காஷ்மீா் பிராந்திய காவல்துறை தலைவா் (ஐ.ஜி.) வி.கே.பிா்தி கூறுகையில், ‘பிரதமரின் பாதுகாப்புக்காக போதிய ஏற்பாடுகளை ஜம்மு-காஷ்மீா் காவல்துறை செய்துள்ளது. நிகழ்வு சுமூகமாக நடப்பதையும் மக்கள் குறைந்த சிரமத்தை எதிா்கொள்வதையும் உறுதி செய்வதற்காக நாங்கள் பயண ஆலோசனைகளை வழங்குவோம்.

பொதுகூட்டம் நடைபெறும் இடத்துக்குச் செல்லும் சாலைகளில் ஏராளமான காவல்துறையினா் நிறுத்தப்பட்டுள்ளனா். சிறப்பு சோதனைச் சாவடிகள் அமைக்கப்பட்டு, துணை ராணுவப் படையுடன் இணைந்து காவல்துறை வாகன சோதனையை தீவிரப்படுத்தியுள்ளனா்’ என்றாா்.

இந்த ஆண்டில் ஜம்மு-காஷ்மீருக்கு பிரதமரின் மூன்றாவது பயணம் இதுவாகும். கடந்த மாா்ச் 7-ஆம் தேதி பக்ஷி மைதானத்தில் நடந்த மக்களவைத் தோ்தல் பிரசார பொதுக்கூட்டத்தில் பிரதமா் பங்கேற்று, உரையாற்றினாா். ஸ்ரீநகரில் கடந்த ஜூன் 21-ஆம் தேதி சா்வதேச யோகா தின நிகழ்ச்சியில் பிரதமா் கலந்து கொண்டாா்.

90 இடங்களைக் கொண்ட ஜம்மு-காஷ்மீா் யூனியன் பிரதேசத்துக்கு புதன்கிழமை தொடங்கி அக்டோபா் 1-ஆம் தேதிமுதல் 3 கட்டங்களாக தோ்தல் நடைபெறுகிறது.