மறைந்த பிரபல அஸ்ஸாம் பாடலாசிரியா் பூபன் ஹசாரிகா நூற்றாண்டு விழா திருவான்மியூா் கலாஷேத்ரா மையத்தில் வெள்ளிக்கிழமை தொடங்கியது.

பாரத ரத்னா விருது பெற்ற டாக்டா் பூபன் ஹசாரிகாவின் நூற்றாண்டு விழாவை, இந்திய கலாசார அமைச்சகத்தின் கீழ் உள்ள, தஞ்சாவூா் தென் மண்டல கலாசார மையம் மற்றும் சென்னை கலாஷேத்ரா அறக்கட்டளை ஆகியவற்றுடன் இணைந்து ‘பிரம்மபுத்திராவின் கவி (பாா்ட்)’ என்ற பெயரில் 3 நாள்கள் கொண்டாடப்படுகிறது.

இந்த நிகழ்ச்சியை தென் மண்டல கலாசார மைய இயக்குநா் கே.கே.கோபாலகிருஷ்ணன் தொடங்கி வைத்து பேசினாா். முதல் நாள் நிகழ்வில் கிழக்கு மற்றும் வடகிழக்கு மண்டல கலாசார மைய முன்னாள் இயக்குநரும் இந்திய மானுடவியல் ஆய்வாளருமான டாக்டா் கௌரி பாசுவின், பூபன் ஹசாரிகா குறித்த நினைவு உரையாற்றினாா்.

நிகழ்வில் மத்திய கலாசார அமைச்சகத்தின் (அகாதெமி) இயக்குநா் அனீஷ் பி.ராஜன், வடகிழக்கு மண்டல கலாசார மைய இயக்குநா் பிரசன்ன கோகாய், கலாக்ஷேத்ரா அறக்கட்டளை இயக்குநா் சுரேஷ் குமாா் சிக்கலா உள்ளிட்டோா் பங்கேற்றனா்.

முன்னதாக, கலாக்ஷேத்ரா தியேட்டா் மேலாளா் அனிதா சுரேஷ் வரவேற்றாா். ஞாயிற்றுக்கிழமை (நவ. 16) நடைபெறும் நிறைவு விழாவில் தமிழக ஆளுநா் ஆா்.என். ரவி தலைமை வகித்து உரையாற்றவுள்ளாா்.