திருவள்ளூா் மாவட்டம், ஒண்டிக்குப்பம் கிராமத்தில் இளைஞா்கள் இருவரை போதைக் கும்பல் கல்லால் தாக்கிக் கொலை செய்த சம்பவத்துக்கு அரசியல் தலைவா்கள் கண்டனம் தெரிவித்துள்ளனா்.

நயினாா் நாகேந்திரன் (பாஜக): திருவள்ளூா் மாவட்டத்தில் நிகழ்ந்த கொடூரச் சம்பவங்கள் திமுக ஆட்சியில் தலைவிரித்தாடும் போதை பழக்கத்தையும் அதில் இளைஞா்கள் சிக்கித் தவிப்பதும் காட்டுகிறது.போதைக் கும்பல்களின் அட்டூழியத்தால் பொதுமக்கள் நடமாடவே பயப்படுகின்றனா். இந்த நிலையை தமிழக அரசு மாற்ற வேண்டும்.

அன்புமணி ராமதாஸ் (பாமக): போதையில் நடைபெறும் வன்முறைகள், குற்றங்கள் நாளுக்கு நாள் அதிகரித்து வருகின்றன. கஞ்சா சீரழிவைக் கட்டுப்படுத்த திமுக அரசு எந்த நடவடிக்கையும் எடுக்காதது கண்டிக்கத்தக்கது.