செஸ் ஒலிம்பியாட் விழிப்புணா்வு மாரத்தான் ஓட்டம்: காஞ்சிபுரம் எம்எல்ஏ தொடக்கி வைத்தாா்

காஞ்சிபுரத்தில் செஸ் ஒலிம்பியாட் போட்டி தொடா்பான விழிப்புணா்வு மாரத்தான் ஓட்டத்தை சட்டப் பேரவை உறுப்பினா் சி.வி.எம்.பி.எழிலரசன் வியாழக்கிழமை கொடியசைத்து தொடக்கி வைத்தாா்.

செங்கல்பட்டு மாவட்டம், மாமல்லபுரத்தில் செஸ் ஒலிம்பியாட் போட்டி வரும் 28-ஆம் தேதி தொடங்கி ஆகஸ்ட் 10-ஆம் தேதி வரை நடைபெறுகிறது. இது தொடா்பான விழிப்புணா்வு மாரத்தான் ஓட்டப் போட்டி காஞ்சிபுரம் மாவட்ட ஆட்சியா் அலுவலகத்திலிருந்து வியாழக்கிழமை தொடங்கியது. பேரணியை காஞ்சிபுரம் எம்எல்ஏ சி.வி.எம்.பி. எழிலரசன் கொடியசைத்து தொடக்கி வைத்தாா். பள்ளி, கல்லூரி மாணவ, மாணவிகள் கலந்து கொண்ட இந்த மாரத்தான் ஓட்டப் போட்டி மாவட்ட விளையாட்டு அலுவலகத்திலிருந்து தொடங்கி, பச்சையப்பன் மேல்நிலைப் பள்ளி, காவலான்கேட் வழியாக மாவட்ட ஆட்சியா் அலுவலகத்தை வந்தடைந்தது.

இப்போட்டியில் ஆண்கள் பிரிவில் முதலிடத்தை காஞ்சிபுரம் சவீதா கல்லூரி மாணவா் கோகுல சீனிவாசன், 2-ஆவது இடத்தை அருணும், 3-வது இடத்தை ஸ்ரீதா் ஆகியோா் பெற்றனா்.

பெண்கள் பிரிவில் பெரியகாஞ்சிபுரம் பெண்கள் மேல்நிலைப் பள்ளி மாணவி காவியா முதலிடத்தையும், 2-ஆவது இடத்தை எஸ்எஸ்கேவி பள்ளி மாணவி அா்ச்சனாவும், 3-ஆவது இடத்தை ராணி அண்ணாதுரை மேல்நிலைப் பள்ளி மாணவி சரண்யாவும் பெற்றனா். வெற்றி பெற்றவா்களுக்கு சான்றிதழ்கள் வழங்கப்பட்டன.

இந்த நிகழ்வில் மாவட்ட வருவாய் அலுவலா் சிவ.ருத்ரய்யா, காஞ்சிபுரம் மேயா் எம்.மகாலட்சுமி யுவராஜ், மாவட்ட விளையாட்டு அலுவலா் ரமேஷ், மாவட்ட முதன்மைக் கல்வி அலுவலா் வெற்றிச்செல்வி உள்ளிட்ட அரசு அலுவலா்கள் கலந்து கொண்டனா்.

படவிளக்கம்.. மாரத்தான் ஓட்டப் போட்டியை கொடியசைத்து தொடக்கி வைத்த காஞ்சிபுரம் எம்எல்ஏ சி.வி.எம்.பி.எழிலரசன்.