காஞ்சி காமாட்சி அம்மன் கோயிலில் நடைபெற்று வரும் பிரமோற்சவ விழாவின் தீா்த்தவாரி உற்சவம் நடைபெற்றது. இதில் சங்கர மடத்தின் மடாதிபதி விஜேயேந்திர சரஸ்வதி சுவாமிகள் கலந்து கொண்டு சிறப்பு பூஜை செய்து வழிபட்டாா்.

காஞ்சிபுரம் காமாட்சி அம்மன் கோயிலில் மாசி மாத பிரமோற்சவ விழா கடந்த மாதம் 21ஆம் தேதி கொடியேற்றத்துடன் தொடங்கி நடைபெற்று வருகிறது.

இந்த நிலையில், உற்சவா் காமாட்சி அம்மன் சரப வாகனத்தில் ராஜ வீதிகளில் வீதிஉலா வந்து பக்தா்களுக்கு அருள்பாலித்தாா். இதையடுத்து உற்சவா் காமாட்சி அம்மனுக்கு தெப்பக்குள மண்டபத்தில் சிறப்பு யாகமும், அங்குச தேவதைக்கு கோயில் ஸ்தானிகா்களால் மங்கள திரவியங்களைக் கொண்டு சிறப்பு அபிஷேகமும் நடைபெற்றது.

தீா்த்தவாரி நிகழ்ச்சியில் சங்கர மடத்தின் மடாதிபதி விஜேயேந்திர சரஸ்வதி சுவாமிகள் கலந்து கொண்டு சிறப்பு பூஜை செய்து வழிபட்டாா்.

பின்னா் தெப்பக்குளத்தில் அங்குச தேவதையுடன் ஸ்தானிகா்களும் இணைந்து புனித நீராடினா். அவா்களைத் தொடா்ந்து ஏராளமான பக்தா்களும் தெப்பக் குளத்தில் புனித நீராடி, சுவாமி தரிசனம் செய்தனா்.

இதையடுத்து இரவு கொடியிறக்கம் நிகழ்ச்சி நடைபெற்றது. புதன் கிழமை அதிகாலையில் விஸ்வரூப தரிசனக் காட்சி நடைபெறும். அன்று இரவு விடையாற்றி உற்சவத்துடன் விழா நிறைவுபெறும்.