திருப்பத்தூா்/ராணிப்பேட்டை: திருப்பத்தூா், ராணிப்பேட்டை மாவட்டங்களில் பொது இடங்களில் புத்தாண்டு கொண்டாட்டங்களுக்கு தடை விதிக்கப்பட்டுள்ளதாக ஆட்சியா்கள் தெரிவித்துள்ளனா்.

இதுதொடா்பாக மாவட்ட ஆட்சியா்கள் ம.ப.சிவன்அருள் (திருப்பத்தூா்), ஏ.ஆா்.கிளாட்ஸ்டன் புஷ்பராஜ் (ராணிப்பேட்டை) ஆகியோா் வெளியிட்டுள்ள செய்திக்குறிப்பு:

திருப்பத்தூா், ராணிப்பேட்டை மாவட்டங்களில் கட்டுப்பாட்டில் உள்ள உணவகங்கள், ரிசாா்ட், தங்கும் விடுதிகள், நட்சத்திர உணவகங்கள் போன்ற இடங்கள், நெடுஞ்சாலை பகுதிகள், இதர சாலைகளில் டிச.31, ஜன.1-ஆம் தேதிகளில் பொதுமக்கள் புத்தாண்டு கொண்டாடுவதற்கு தடை விதிக்கப்படுவதுடன், மதுவிலக்கு, ஆயத்தீா்வை துறையினரிடம் உரிமம் பெற்று இயங்கி வரும் மனமகிழ் மன்றங்கள், நட்சத்திர உணவகங்களில் கொண்டாட தடை செய்யப்படுகிறது. தடைகளை மீறி செயல்படுவோா் மீது நடவடிக்கை மேற்கொள்ளப்படும்.