ஆம்பூா்: ஆம்பூா் அருகே எரிவாயு கசிந்து குடிசை ஞாயிற்றுக்கிழமை எரிந்து நாசமானது.

ரெட்டிமாங்குப்பம் கிராமத்தில் வசித்து வருபவா் பாரதி (39). ஞாயிற்றுக்கிழமை இரவு மின் தடை ஏற்பட்டதால், குடும்பத்தினருடன் வீட்டுக்கு வெளியே நின்று கொண்டிருந்தனா். அப்போது, குடிசை வீடு திடீரென தீப்பிடித்து எரிந்தது.

தகவலறிந்த ஆம்பூா் தீயணைப்புப் படையினா் அங்கு சென்று தீயை அணைத்தனா். குடிசை முழுவதும் எரிந்து நாசமானது. எரிவாயு கசிவு ஏற்பட்டு தீ விபத்து நிகழ்ந்ததாகக் கூறப்படுகிறது.

இந்த விபத்து காரணமாக வீட்டில் இருந்த ரூ. 37,000-ம் ரொக்கம், வீட்டுப் பத்திரம், குடும்ப அட்டை உள்ளிட்ட பல்வேறு பொருள்கள் எரிந்து சாம்பலாயின.