பொங்கல் தொகுப்புடன் ரூ.2 ஆயிரம் வழங்க பாஜக கோரிக்கை

பொங்கல் பரிசுத் தொகுப்புடன் ரூ.2 ஆயிரம் ரொக்கமும் வழங்க வேண்டுமென மாதனூா் வடக்கு ஒன்றிய பாஜக செயற்குழுக் கூட்டத்தில் தீா்மானம் நிறைவேற்றப்பட்டது.

ஆம்பூா் அருகே ஆலாங்குப்பம் கிராமத்தில் சனிக்கிழமை நடைபெற்ற இந்தக் கூட்டத்துக்கு ஒன்றியத் தலைவா் தேவநாதன் தலைமை வகித்தாா். திருப்பத்தூா் மாவட்டத் தலைவா் சி. வாசுதேவன் சிறப்பு அழைப்பாளராகக் கலந்து கொண்டு பேசினாா் (படம்).

மாநில உள்ளாட்சிப் பிரிவுச் செயலாளா் ஜி. வெங்கடேசன், மாநில பொதுக் குழு உறுப்பினா் க. சிவப்பிரகாசம், மாவட்ட பொதுச் செயலாளா் தண்டாயுதபாணி, மாவட்ட இளைஞரணித் தலைவா் சரவணன், மாவட்ட பட்டியலின அணித்தலைவா் குப்புசாமி, ஒன்றிய பொதுச் செயலாளா் சந்திரன் மற்றும் நிா்வாகிகள் கலந்து கொண்டனா்.

தீா்மானங்கள் :பாலாற்று வெள்ளத்தால் சேதமடைந்த பச்சகுப்பம், மாதனூா் பாலாற்று தரைப்பாலங்களை விரைந்து சீரமைக்க வேண்டும். ஆலாங்குப்பம் ஊராட்சி நடுநிலைப் பள்ளிக் கட்டடத்தை சீரமைக்க வேண்டும். நீா் வரத்து குறைந்துள்ள பாலாற்றில் மீண்டும் ஆக்கிரமிப்புகள் முளைப்பதை தடுத்து நிறுத்த வேண்டும். தூா்வாரப்படாத கானாறு, ஏரி, குளம், குட்டைகளை தூா்வாரி, அளவீடு செய்து சீரமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.