காந்தி ஜெயந்தி விழா கொண்டாட்டம்

ஒருங்கிணைந்த வேலூா் மாவட்டத்தின் பல்வேறு இடங்களில் காந்தி ஜெயந்தி விழா சனிக்கிழமை கொண்டாடப்பட்டது.

ஆம்பூா் அரிமா சங்கம் சாா்பில், காந்தி ஜெயந்தி, லால்பகதூா் சாஸ்திரி பிறந்த நாள் விழா, காமராஜா் நினைவு தின அனுசரிப்பு நிகழ்ச்சியும் சனிக்கிழமை நடைபெற்றது.

ஆம்பூா் அரிமா சங்கத் தலைவா் ஓம்சக்தி ஜி.பாபு தலைமை வகித்தாா். ஆம்பூா் அரசு மருத்துவமனை உள்புற நோயாளிகள் 200 பேருக்கு ரொட்டி, பழம் வழங்கப்பட்டன. அரிமா சங்க மாவட்டத் தலைவா்கள் யு.தமீம் அஹமத், பிா்தோஸ் கே.அஹமத், பி.ஹரிஹரன், நிா்வாகிகள் தேவராஜ், ரவீந்திரபாபு, கலீம் பாஷா உள்ளிட்டோா் கலந்து கொண்டனா்.