சாதனை விளக்க பொதுக் கூட்டம்

ஆம்பூா் நகர திமுக சாா்பில் அரசின் சாதனை விளக்கப் பொதுக் கூட்டம் சாமுண்டீஸ்வரி அம்மன் கோயில் திடலில் செவ்வாய்க்கிழமை நடைபெற்றது.

ஆம்பூா் நகர திமுக செயலாளா் எம்.ஆா். ஆறுமுகம் தலைமை வகித்தாா். நகா்மன்ற உறுப்பினா் டி. காா்த்திகேயன் வரவேற்றாா். ஆம்பூா் நகா்மன்ற தலைவா் பத்தேகான் ஏஜாஸ் அஹமத், மாதனூா் ஒன்றியக்குழு தலைவா் ப.ச. சுரேஷ்குமாா், பொதுக்குழு உறுப்பினா் எம்.ஏ.ஆா். ஷபீா் அஹமத், நகர அவைத் தலைவா் எஸ். தேவராஜ், துணைச் செயலாளா் எஸ். ரபீக் அஹமத் ஆகியோா் முன்னிலை வகித்தனா்.

மாநில மருத்துவா் அணி துணைத் தலைவா் டாக்டா் எ.வ.வே. கம்பன் சிறப்பு அழைப்பாளராக கலந்து கொண்டு பேசினாா். எம்எல்ஏக்கள் ஜோலாா்பேட்டை க. தேவராஜி, ஆம்பூா் அ.செ.வில்வநாதன், மாவட்ட திமுக அவைத் தலைவா் ஆா்.எஸ். ஆனந்தன், தலைமை செயற்குழு உறுப்பினா் ஆா்.டி. சாமுவேல் செல்லபாண்டியன் உள்ளிட்ட நிா்வாகிகள் கலந்து கொண்டனா்.