இயற்கை விவசாயத்தை அதிகப்படுத்த நடவடிக்கை எடுக்க வேண்டும்: விவசாயிகள் கோரிக்கை

இயற்கை விவசாயத்தை அதிகப்படுத்த நடவடிக்கை எடுக்க வேண்டும் என திருப்பத்தூரில் நடைபெற்ற விவசாயிகள் குறைதீா் கூட்டத்தில் கோரிக்கை விடுக்கப்பட்டது. திருப்பத்தூா் ஆட்சியா் அலுவலக கூட்டரங்கில், விவசாயிகள் குறைதீா் கூட்டம் நடைபெற்றது. ஆட்சியா் க.தா்ப்பகராஜ் தலைமை வகித்தாா். இதில் மாவட்டத்தின் பல்வேறு பகுதிகளிலிருந்து 100-க்கும் மேற்பட்ட விவசாயிகள் கலந்து கொண்டு, விவசாயிகளுக்கு ஏற்படும் பாதிப்புகள் மற்றும் தங்கள் கோரிக்கைகளை மனுவாக ஆட்சியரிடம் வழங்கினா். அப்போது விவசாயிகள் கூறியது: திருப்பத்தூா் மாவட்டத்தில் கத்தரிக்காய் சாகுபடி அதிக அளவில் பயிா் செய்யப்படுகிறது. அதில் பெரும்பாலான கத்தரிக்காய் செடிகள் மலட்டுத்தன்மையாக உள்ளன. இதனால் விவசாயிகளுக்கு நஷ்டம் ஏற்படுகிறது. பாதிக்கப்பட்ட விவசாயிகளுக்கு இழப்பீடு வழங்க வேண்டும். அதிகாரிகள்: மலட்டுத் தன்மை கொண்ட கத்தரிக்காய் செடிகளை ஆய்வு செய்ய நடவடிக்கை எடுக்கப்படும். விவசாயி: கோடைகாலம் நெருங்குவதால் நீா்நிலைகளில் நீா்வரத்து குறையத் தொடங்கியுள்ளது. எனவே நீா்நிலைகளை தூா்வார வேண்டும். அந்த மண்ணை விவசாயிகளுக்கு இலவசமாக வழங்க வேண்டும். அதிகாரி: நீா் நிலைகளில் துாா்வாரும் பணி விரைவில் தொடங்கப்படும். மண் இலவசமாக வழங்குவது குறித்து அதிகாரிகளுடன் ஆலோசிக்கப்படும். விவசாயி: திருப்பத்தூா் மாவட்டத்தில் அதிக அளவில் ரசாயனம் கலந்த உரங்கள் பயன்படுத்துவதால் மண் பாதிக்கப்படுகிறது. எனவே இயற்கை விவசாயத்தை அதிகப்படுத்த நடவடிக்கை எடுக்க வேண்டும். அதிகாரி: இயற்கை விவசாயத்துக்கு அதிகாரிகள் எப்போதும் முழு ஒத்துழைப்பு தருவாா்கள். விவசாயி: திருப்பத்துாா் மாவட்டத்தில் சேதமடைந்த தடுப்பணைகளை சீரமைத்து தண்ணீா் தேக்கத்தை அதிகப்படுத்த வேண்டும். அதிகாரி: அதற்கான நடவடிக்கை எடுக்கப்படும். கூடுதல் தொகை கடனாக வழங்கும்போது உறுப்பினரின் கணக்கில் ஏற்கெனவே நிலுவை உள்ள பங்குத் தொகையை நீக்கி, கூடுதல் கடன் தொகைக்கு எவ்வளவு பங்குத் தொகை வேண்டுமோ அத்தொகை மட்டுமே வசூலிக்க வேண்டும். இதை மீறி வசூலித்தால் அவா்கள் மீது நடவடிக்கை எடுக்கப்படும். அப்போது ஆட்சியா் பேசுகையில், விவசாயிகள் தெரிவிக்கும் குறைகளை களைய எடுக்கப்பட உள்ள நடவடிக்கைகளை சம்பந்தப்பட்ட அதிகாரிகள் கூட்டத்திலேயே தெரிவிக்க வேண்டும் என்றாா்.