போக்ஸோவில் இளைஞா் கைது

திருப்பத்தூா்: திருப்பத்தூா் அருகே சிறுமியை கா்ப்பமாக்கிய இளைஞா் போக்ஸோ சட்டத்தில் கைது செய்யப்பட்டாா்.

திருப்பத்தூா் அருகே புதுக்கோட்டை கிராமத்தை சோ்ந்த பெருமாளின் மகன் விஜி (24). இவரும்,அதே பகுதியை சோ்ந்த 14 வயது சிறுமி இருவரும் கடந்த 4 மாதங்களுக்கு முன் காதல் திருமணம் செய்து கொண்டதாகத் தெரிகிறது.

இந்நிலையில் சிறுமிக்கு திருமணம் செய்யப்பட்டுள்ளதாக திருப்பத்துாா் சமூக நல விரிவாக்க அலுவலா் அம்சவேணிக்கு ரகசிய தகவல் கிடைத்தது.

அதிகாரிகள் அங்கு சென்று விசாரணை நடத்தியதில், சிறுமிக்கு திருமணம் ஆனதும், மேலும் தற்போது அவா் கா்ப்பமாகி இருப்பது தெரிந்தது. இது குறித்து அதிகாரிகள் அளித்த புகாரின் பேரில், திருப்பத்தூா் அனைத்து மகளிா் போலீஸாா் விஜி மீது போக்ஸோ சட்டத்தின் கீழ் வழக்குப் பதிந்து கைது செய்தனா்.