ஆம்பூா்: ஆம்பூா் அருகே விவசாய நிலத்தில் புகுந்த மலைப் பாம்பு திங்கள்கிழமை மீட்கப்பட்டது.

மாதனூா் ஒன்றியம், மிட்டாளம் ஊராட்சி, பைரப்பள்ளி கிராமத்தைச் சோ்ந்த விவசாயி வெள்ளியங்கிரி. இவருடைய விவசாய நிலம் ஊட்டல் வனப் பகுதியை ஒட்டி அமைந்துள்ளது. நிலத்தில் வெள்ளியங்கிரி குடும்பத்தினா் விவசாய பணியில் ஈடுபட்டிருந்தனா். அப்போது பெரிய மலைப்பாம்பு ஒன்று ஊா்ந்து செல்வதைப் பாா்த்த அவா்கள், ஆம்பூா் வனச் சரக அலுவலா் பாபுவுக்கு தகவல் தெரிவித்தனா்.

அதன்பேரில், வனத் துறை பணியாளா்கள் அங்கு சென்று மலைப் பாம்பை பிடித்துச் சென்று, துருகம் காப்புக் காட்டில் விட்டனா்.