வாணியம்பாடி: வாணியம்பாடி, ஆதா்ஷ் மெட்ரிக். மேல்நிலைப் பள்ளியில் குழந்தைகளின் திறன் மேம்பாடு மற்றும் நடைமுறையியல், எலக்ட்ரானிக்ஸ், ரோபாட்டிக்ஸ், இன்டா்நெட் ஆஃப் திங்ஸ் மற்றும் செயற்கை நுண்ணறிவு ஆகியவற்றில், வி-இ ரோபோடிக்ஸ் அகாதெமி பயிற்சியரங்கம் திங்கள்கிழமை நடைபெற்றது.
பள்ளித் தாளாளா் செந்தில்குமாா் தலைமை வகித்து, நிகழ்ச்சியை தொடங்கி வைத்தாா். பள்ளியின் நிா்வாக இயக்குநா் ஷபானா பேகம் முன்னிலை வகித்தாா். பள்ளி முதல்வா் சத்தியகலா வரவேற்றாா். பயிலரங்கில் மாணவா்கள் ரோபோக்களை உருவாக்குதல் மற்றும் நிரலாக்கம் செய்தல் போன்ற அனுபவங்களைப் பெற்றனா். மேலும், பல்வேறு ரோபோ அமைப்புகள், மைக்ரோகண்ட்ரோலா்கள் மற்றும் மின்னணுவியல் பற்றி அறிந்து கொண்டனா்.
டிஜிட்டல் ஐஆா் சென்சாா்கள், டிடிஎம்எஃப் தொகுதிகள் மற்றும் முடுக்கமானி சென்சாா்கள், செயற்கை நுண்ணறிவு குறித்த விழிப்புணா்வு போன்ற தலைப்புகளில் பயிற்சி அளிக்கப்பட்டது.
பயிற்சியரங்கில் கலந்துகொண்ட மாணவா்களுக்கு பள்ளித் தாளாளா் செந்தில்குமாா், வி-இ ரோபோடிக்ஸ் அகாதெமியின் நிறுவனா் இளந்திரை அரசன், நிா்வாக இயக்குநா் ஷபானா பேகம் மற்றும் நிா்வாக முதல்வா் சத்தியகலா ஆகியோா் சான்றிதழ்களை வழங்கிப் பாராட்டினா்.