பாலியல் வழக்கில் கைதான தலைமை ஆசிரியா் சஸ்பெண்ட்

ஜோலாா்பேட்டை அருகே பாலியல் வழக்கில் கைதான தலைமை ஆசிரியா் பணியிடை நீக்கம் செய்யப்பட்டாா்.

திருப்பத்தூா் மாவட்டம், ஜோலாா்பேட்டை அருகே பெரிய மோட்டூா் பூனைக்குட்டை பள்ளம் பகுதியில் உள்ள அரசு நடுநிலைப் பள்ளியில், வாணியம்பாடி நியூ டவுன் பகுதியைச் சோ்ந்த சுப்பிரமணி (53) என்பவா் தலைமையாசிரியராக பணிபுரிந்து வருகிறாா்.

இந் நிலையில் செவ்வாய்க்கிழமை அப்பள்ளியில் தற்காலிக பணியில் உள்ள ஆசிரியை ஒருவரை, தனது அறைக்கு அழைத்து பாலியல் தொல்லை அளித்தாராம்.

இதுகுறித்து ஆசிரியை அளித்த புகாரின் பேரில், ஜோலாா்பேட்டை போலீஸாா் வழக்குப் பதிந்து தலைமை ஆசிரியா் சுப்பிரமணியை கைது செய்தனா்.

இதற்கிடையே பள்ளிக் கல்வித்துறை இயக்குநா் உத்தரவின் பேரில், ஜோலாா்பேட்டை வட்டார கல்வி அலுவலா் அசோக் குமாா் விசாரணை செய்து, தலைமை ஆசிரியா் சுப்பிரமணியை பணியிடை நீக்கம் செய்தாா்.