குரு பௌர்ணமி உற்சவத்தையொட்டி, கே.ஜி.கண்டிகை சாய் மந்திரில் செவ்வாய்க்கிழமை சிறப்புப் பூஜைகள் நடைபெற்றன. 
திருத்தணியை அடுத்த கே.ஜி.கண்டிகையில் உள்ள இக்கோயிலில் பாலாபிஷேகம், நவகிரஹ ஹோமம், சுதர்சன ஹோமம் உள்ளிட்டவை நடைபெற்றன. பின்னர்,  ஸ்ரீ சத்யநாராயணா பூஜை நடைபெற்றது.  
 பின்னர், கோயில் நிர்வாகம் சார்பில் பீரகுப்பம் ஊராட்சி ஒன்றிய துவக்கப்  பள்ளி மாணவர்களுக்கு இலவச நோட்டுப் புத்தகங்களை கே.ஜி. கண்டிகை ஆந்திரா வங்கி கிளை மேலாளர் வெங்கடரமணா, துரைசாமிராஜ் ஆகியோர் வழங்கினர்.
கும்மிடிப்பூண்டியில்...
பெரியபாளையம் அருகே ராள்ளபாடி பகுதியில் அமைந்துள்ள சாய்பாபா கோயிலில், சிறப்பு அபிஷேகம் நடைபெற்றது. இதில், திரளான பக்தர்கள் கலந்து கொண்டனர். 
 இதேபோல் 82-பனப்பாக்கம் கிராமத்தில் உள்ள சாய்பாபா கோயிலில் சிறப்பு அபிஷேகம் நடைபெற்றது.