திருவள்ளூா் அருகே ஆசிரமம் நடத்தி வந்த கேரளத்தைச் சோ்ந்த மந்திரவாதி படுகாயங்களுடன் மா்மமான முறையில் உயிரிழந்து கிடந்தாா். இது தொடா்பாக போலீஸாா் தீவிரமாக விசாரித்து வருகின்றனா்.

கேரளத்தைச் சோ்ந்தவா் பணிக்கா்(68). சென்னையை அடுத்த வில்லிவாக்கத்தில் குடும்பத்துடன் குடியிருந்து வந்தாா். திருவள்ளூரை அடுத்த திருப்பாச்சூரில் ஆசிரமம் அமைத்து அதில் பௌா்ணமி மற்றும் அமாவாசை நாள்களில் மாந்திரீகம் மற்றும் ஜோதிடம் பாா்த்து வந்தாா்.

கடந்த 20 ஆண்டுகளாக இதில் ஈடுபட்டு வந்த பணிக்கா் கடந்த வாரம் வீட்டிலிருந்து புறப்பட்டு திருப்பாச்சூருக்கு வந்தாா். அமாவாசை முடிந்தும் அவா் வீடு திரும்பாததால் அவரது மகன் சங்கா் செல்லிடப்பேசியில் தொடா்பு கொண்டு பேசினாா். அப்போது சிறு அளவிலான வேலை இருப்பதால் அதை முடித்துவிட்டு வருவதாகக் கூறினாா்.

இந்நிலையில், திருப்பாச்சூரில் அவரது ஆசிரமம் அருகே சிலா் சனிக்கிழமை ஆடு, மாடுகளை மேய்த்துக் கொண்டிருந்தனா். அப்போது, ஆசிரமத்தில் இருந்து துா்நாற்றம் வீசியது. இது தொடா்பாக அவா்கள் உள்ளூா்வாசிகளுக்குத் தகவல் தெரிவித்தனா். தகவல் அறிந்து திருவள்ளூா் கிராமிய போலீஸாா் அங்கு வந்தனா்.

ஆசிரமத்தை அடுத்த வீட்டின் உள்ளே பணிக்கா் பலத்த காயங்களுடன் உயிரிழந்து கிடந்தாா். அவரது சடலத்தை மீட்டு திருவள்ளூா் மாவட்ட அரசு தலைமை மருத்துவமனைக்கு போலீஸாா் அனுப்பி வைத்தனா். அவா் உடல் நலக்குறைவால் உயிரிழந்தாரா அல்லது கொலை செய்யப்பட்டாரா? என்று அவா்கள் விசாரணை நடத்தி வருகின்றனா்.

கடந்த சில மாதங்களுக்கு முன்பு திருவள்ளூரை அடுத்த எறையாமங்கலம் பகுதியில் இதேபோல் சாமியாா் ஒருவா் மா்மமான முறையில் இறந்து கிடந்தது நினைவுகூரத்தக்கது.