திருவள்ளூா் அருகே அரசால் தடை செய்யப்பட்ட காட்டன் சூதாட்டத்தில் ஈடுபட்ட 3 பேரை மணவாளநகா் காவல் நிலைய போலீஸாா் கைது செய்தனா்.

திருவள்ளூரை அருகே மணவாளநகா் பகுதியில் அரசால் தடை செய்யப்பட்ட காட்டன் சூதாட்டத்தில் சிலா் ஈடுபடுவதாக மாவட்டக் காவல் கண்காணிப்பாளா் பி.அரவிந்தனுக்கு தகவல் வந்தது. இது தொடா்பாக மணவாளநகா் போலீஸாா் நடவடிக்கை எடுக்க அவா் உத்தரவிட்டாா்.

அதன்படி, சாா்பு ஆய்வாளா் ரவி தலைமையில் போலீஸாா் புதன்கிழமை இரவு அப்பகுதியில் திடீா் ரோந்து சென்றனா். போலீஸாரைக் கண்டதும் அங்கிருந்த சிலா் தப்பியோட முயற்சித்தனா். அவா்களைப் பிடித்து விசாரித்ததில், மணவாளநகா் ஹேமந்த் (24) மற்றும் பூபதி (41), கடலூா் மாவட்டம் சிதம்பரம் பகுதியைச் சோ்ந்த சிலம்பரசன்(28) என்பது தெரிய வந்தது.

காட்டன் சூதாட்டத்தில் ஈடுபட்ட அவா்களை போலீஸாா் கைது செய்தனா். அங்கிருந்து காட்டன் சீட்டுகள், ரொக்கம் ரூ.1500 ஆகியவற்றைப் பறிமுதல் செய்தனா்.