திருவள்ளூரில் புத்தகக் கண்காட்சி விழிப்புணா்வை ஏற்படுத்த இரு சக்கர வாகன பேரணி

திருவள்ளூா் மாவட்டத்தில் ஏப்ரல் 1-ஆம் தேதி முதல் 11 வரை நடைபெற உள்ள முதலாவது புத்தகக் கண்காட்சி குறித்து பொதுமக்களிடையே விழிப்புணா்வு ஏற்படுத்தும் வகையில் இரு சக்கர வாகனப் பேரணியை ஆட்சியா் ஆல்பி ஜான் வா்கீஸ் தொடக்கி வைத்ததுடன் தானும் பங்கேற்றாா்.

பள்ளி மாணவா்களிடையே வாசிப்புப் பழக்கத்தை ஏற்படுத்தும் நோக்கத்தில் மாவட்டந்தோறும் புத்தகத் திருவிழாவை நடத்த முதல்வா் உத்தரவிட்டிருந்தாா். அதன்படி, திருவள்ளூா் மாவட்டத்தில் முதன் முதலாக ஏப். 1 முதல் 11 வரையில் வட்டாரப் போக்குவரத்து அலுவலகம் எதிரே காலியிடத்தில் நடைபெற உள்ளது.

புத்தகக் கண்காட்சி குறித்து பல்வேறு வகையில் விழிப்புணா்வு ஏற்படுத்த மாவட்ட நிா்வாகமும், தென்னிந்திய புத்தகப் பதிப்பாளா்கள் - விற்பனையாளா் சங்கமும் இணைந்து பல்வேறு நடவடிக்கையை மேற்கொண்டு வருகிறது.

அதன் ஒரு பகுதியாக திருவள்ளூா் மாவட்ட ஆட்சியா் அலுவலகம் எதிரே காவல் துறையினா் மற்றும் சமூக ஆா்வலா்கள் ஆகியோா் பங்கேற்ற இரு சக்கர வாகன விழிப்புணா்வுப் பேரணி வெள்ளிக்கிழமை நடைபெற்றது. இதில் ஆட்சியா் ஆல்பி ஜான் வா்கீஸ் தலைமை வகித்து பேரணியைத் தொடங்கி வைத்ததுடன், தானும் இரு சக்கர வாகனத்தில் சென்று விழிப்புணா்வை ஏற்படுத்தினாா்.

இந்தப் பேரணியானது ஆட்சியா் அலுவலகம், ஜே.என்.சாலை, நகராட்சி அலுவலகம், ஆயில் மில், மணவாள நகா் வரை சென்று அதே வழியாக ஆட்சியா் அலுவலக வளாகப் புத்தகக் கண்காட்சி மைதானத்தில் நிறைவடைந்தது.

தொடா்ந்து, புத்தகக் கண்காட்சி அரங்குகள் அமைக்கும் பணியை ஆட்சியா் பாா்வையிட்டு ஆய்வு செய்தாா்.

புத்தகக் கண்காட்சியில் நாள்தோறும் குறைந்தது 2,000 முதல் 5,000 பாா்வையாளா்கள் வரை எதிா்பாா்க்கப்படுகிறது. இதற்கான அனைத்து வசதிகளுடன் கூடிய புத்தக அரங்குகள், குடிநீா் வசதி, சுகாதார வளாகம், வாகனம் நிறுத்துமிடம் அமைக்க ஏற்பாடு செய்யப்பட்டு வருகிறது.

ஆய்வின் போது, மாவட்ட வன அலுவலா் கே.ராம்மோகன், மாவட்ட ஊரக வளா்ச்சி முகமைத் திட்ட இயக்குநா் வை.ஜெயக்குமாா், ஆட்சியரின் நோ்முக உதவியாளா் (பொது) சி.வித்யா, வட்டாட்சியா் செந்தில்குமாா் உள்ளிட்டோா் உடனிருந்தனா்.