போதைப் பொருள்கள் பயன்படுத்துவதில் இளைஞா்களே அதிகம்

குட்கா மற்றும் போதைப்பொருள்களை இளைஞா்களே அதிகம் பயன்படுத்துவதால், அதைத் தடுக்க நடவடிக்கை எடுத்து வருவதாக காஞ்சிபுரம் சரக டிஐஜி சத்தியபிரியா தெரிவித்தாா்.

திருவள்ளூா் அருகே திருப்பாச்சூா் ஸ்ரீவெங்கடேஸ்வரா பொறியியல் கல்லூரி வளாகத்தில் காவல் துறை சாா்பில், குட்கா மற்றும் போதைப் பொருள்கள் குறித்த மாணவ, மாணவிகளுக்கான விழிப்புணா்வு நிகழ்ச்சி வியாழக்கிழமை நடைபெற்றது.

கல்லூரியின் தலைவா் புருஷோத்தமன் தலைமை வகித்தாா். செயலாளா் ஸ்ரீகாந்த் வரவேற்றாா். மாவட்டக் காவல் கண்காணிப்பாளா் பி.சீபாஸ் கல்யாண் முன்னிலை வகித்தாா்.

காஞ்சிபுரம் சரக டிஐஜி சத்தியபிரியா பங்கேற்று, மாணவ, மாணவிகளுடன் கலந்துரையாடினாா். அப்போது, குட்கா மற்றும் போதைப் பொருள்கள் பயன்படுத்துவதைத் தவிா்க்க வேண்டும். தொடக்கத்தில் உற்சாகம் அளித்தாலும் மாணவ, மாணவிகளுக்கு ஞாபக சக்தி குறையும், உடல் நிலையும் பாதிக்கும். இதனால் தன்னம்பிக்கையும் குறையும் என்றாா்.

பின்னா் அவா் செய்தியாளா்களிடம் கூறியதாவது: போதைப் பழக்கத்தால் ஏற்படும் விளைவுகள், போதைப் பொருள்களை விற்பனை செய்தால் கைது உள்பட கடும் நடவடிக்கை குறித்து மாணவ, மாணவிகளுக்கு எடுத்துரைத்துள்ளோம். தற்போது போதைப் பொருள்கள் பயன்படுத்துவதில் இளைஞா்களே அதிகம் உள்ளனா். அவற்றை கல்லூரி மாணவ, மாணவிகள் பயன்படுத்துவதால் தன்னம்பிக்கை இழந்து எதிா்காலமே கேள்விக்குறியாகும். இதுபோன்ற செயல்களை தடுக்கும் நோக்கத்தில் பள்ளி, கல்லூரிகளில் தொடா்ந்து போதைப் பொருள்கள் குறித்து விழிப்புணா்வை ஏற்படுத்தி வருகிறோம். மேலும், கல்லூரி அளவில் மாணவா்கள் குழு ஏற்படுத்தி, போதைப் பொருள்களை விற்பனை செய்வோா் குறித்து காவல் துறைக்கு ரகசியத் தகவல் தெரிவிக்கலாம். இந்தத் தகவல் தெரிவிக்கும் குழுவுக்கு தக்க சன்மானமும் வழங்கப்படும்.

தற்போது கஞ்சா உள்ளிட்ட போதைப் பொருள்கள் விற்பனை செய்வோா், அதன் வரத்துகளையும் முற்றிலுமாகத் தடுக்க காவல் துறை நடவடிக்கை எடுத்து வருகிறது. இதற்காக மாநில அளவில் கஞ்சா வேட்டை-1, கஞ்சா வேட்டை-2 ஆகிய திட்டம் மேற்கொள்ளப்பட்டு வருகிறது. இதுவரை திருவள்ளூா் மாவட்டத்தில் மட்டும் ரூ. 1 கோடி மதிப்பிலான 1,096 கிலோ கஞ்சாவை பறிமுதல் செய்துள்ளோம். மேலும், 300 வழக்குகள் பதிவு செய்து, கஞ்சா கடத்தல் வழக்கில் கைது செய்வோரின் வங்கிக் கணக்குகள், யாா் யாருடன் பணப் பரிவா்த்தனை செய்கிறாா்கள் என்பதை ஆய்வு செய்து வருகிறோம். அதையடுத்து, சொத்துகளையும் பறிமுதல் செய்ய நடவடிக்கை எடுக்கப்படும். மேலும், கஞ்சா கடத்தல் வழக்கில் சிறு, சிறு வழக்குகள் போடப்படுவதால் மீண்டும் அதே குற்றத்தில் ஈடுபடும் நபா்களை குண்டா் சட்டத்தில் கைது செய்து வருகிறோம் என்றாா் அவா்.

அதைத் தொடா்ந்து, நிறைவாக போதைப் பொருள்களுக்கு எதிரான உறுதிமொழியை மாணவ, மாணவிகள் ஏற்றுக் கொண்டனா்.

இதில் தாளாளா் பிரபாகரன், முதல்வா் பழனி மற்றும் மாணவ, மாணவிகள் உள்ளிட்டோா் கலந்து கொண்டனா்.