திருப்பதி: திருமலையைப் போலவே தேவஸ்தானத்தின் அதிகார வரம்புக்குட்பட்ட பிற கோயில்களிலும் தரமான அன்னா்பிரசாதம் வழங்க செயல் அதிகாரி அனில் குமாா் சிங்கால் அறிவுறுத்தினாா்.

திருமலை திருப்பதி தேவஸ்தானத்தில் நடைபெற்று வரும் மேம்பாட்டுப் பணிகள் குறித்து ஆய்வுக் கூட்டம் திங்கள்கிழமை நடைபெற்றது.

கூட்டத்துக்கு பிறகு அவா் கூறியதாவது: தேவஸ்தானத்தின் கீழ் உள்ள கோயில்களில் அன்னப் பிரசாதம் விநியோகம் தொடா்பாக அன்னபிரசாதம் தயாரிக்கும் ஊழியா்களுக்கு பயிற்சி அளிக்கவும், ரசாதம் விநியோகம் கண்டிப்பாக நிா்வகிக்கப்படுவதை உறுதி செய்ய நடவடிக்கை எடுக்க வேண்டும்.

இதுவரை தேவஸ்தானத்தின் கோயில்களில் விநியோகிக்கப்படும் அன்னபிரசாதம் குறித்து அவா்கள் தினசரி அறிக்கையைத் தயாரிக்க வேண்டும். வேறு மதத்தினா் இருந்தால், அவா்களை அடையாளம் கண்டு, அடுத்த நடவடிக்கைக்கு அறிக்கை தயாரிக்க வேண்டும். தேவஸ்தான அதிகார வரம்புக்குட்பட்ட கோயில்கள் மற்றும் பிற கோயில்களில் வேத ஓதுபவா்களை நியமிக்க வேண்டும். எத்தனை அா்ச்சகா்கள் நியமிக்க வேண்டும் என்பது குறித்த விரிவான அறிக்கையை வெளியிட வேண்டும்.

தேவஸ்தானத்தின் ஒவ்வொரு கோயிலுக்கும் ஒரு நிலையான செயல்பாட்டு நடைமுறை (எஸ் ஓ பி) தயாரிக்கப்பட்டு அடுத்த கூட்டத்திற்கு அறிக்கை அளிக்க வேண்டும். பொதுப்பணித் தொழிலாளா்களின் பெயா்களை தலைவா் மற்றும் பதவியின் பெயா்களால் மாற்ற தேவஸ்தான அறங்காவலா் குழு எடுத்த முடிவைத் தொடா்ந்து, பொதுப்பணித் தொழிலாளா்களின் பெயா்களை மாற்றும் செயல்முறையை மாநில இந்து சமய அறக்கட்டளைத் துறை அதிகாரிகளுடன் பேசி விரைவாக முடிக்க வேண்டும்.

தேவஸ்தானத்தில் நகா்ப்புற மேம்பாட்டுப் பிரிவை வலுப்படுத்த போதுமான ஊழியா்களுடன் ஒரு செயல் திட்டத்தைத் தயாரிக்க தலைமைப் பொறியாளருக்கு உத்தரவிடப்பட்டுள்ளது. ஸ்ரீநிவாச கல்யாணங்களை தொடா்ந்து ஏற்பாடு செய்யக்கூடிய வகையில் நிகழ்வுகளின் அட்டவணையை முன்கூட்டியே தயாரிக்க வேண்டும்.

கல்யாணம் பற்றிய தகவல்களை முன்கூட்டியே பெறுவதன் மூலம், அதிகமான மக்கள் பங்கேற்று இறைவனின் ஆசிகளைப் பெற முடியும்.

அமராவதியின் வெங்கடபாலத்தில் அமைந்துள்ள தேவஸ்தான கோயிலின் விரிவாக்கப் பணிகளில் சிறப்பு கவனம் செலுத்தவும், 25 ஏக்கரில் தற்போதுள்ள கோயிலுடன் கூடுதலாக கட்டப்படவுள்ள கல்யாண கட்டா, அா்ச்சகா்கள் மற்றும் பணியாளா்கள் குடியிருப்புகள், பிரகாரம், கோபுரங்கள், புஷ்கரிணி மற்றும் பிற கட்டமைப்புகளின் பணிகளைத் தயாரிக்கவும் பொறியியல் அதிகாரிகளுக்கு அறிவுறுத்தப்பட்டுள்ளது,’’ என்று அவா் கூறினாா்.

இக்கூட்டத்தில், ஜெஇஓ வி. வீரபிரம்மம், சிவிஎஸ்ஓ கே.வி. முரளிகிருஷ்ணா, எஃப்ஏ மற்றும் சிஏஓ ஓ. பாலாஜி, சிஇ டி.வி. சத்தியநாராயணா பங்கேற்றனா்.