திருப்பதி: ஏழுமலையான் ஆா்ஜிதச்சேவை டிக்கெட்டுகளின் செப்டம்பா் மாத ஒதுக்கீடு, ஜூன் 19-ஆம் தேதி முதல் தொடங்க உள்ளதாக தேவஸ்தானம் தெரிவித்துள்ளது.
திருமலை ஏழுமலையான் ஆா்ஜித சேவை டிக்கெட் தொடா்பான சுப்ரபாதம், தோமாலை, அா்ச்சனை, அஷ்டதள பாதபத்மராதன சேவைகளுக்கான செப்-2025 ஒதுக்கீட்டை ஜூன் 19-ஆம் தேதி தேவஸ்தானம் வெளியிட உள்ளது.
இணையத்தில் விண்ணப்ப பதிவு ஜூன் 19-ஆம் தேதி முதல் 21-ஆம் தேதி மேற்கொள்ளலாம் விண்ணப்பதாரா்கள் தங்கள் கைப்பேசி எண்ணுக்கு குறுந்தகவல் கிடைத்தவுடன் ஜூன் 21-ஆம் தேதி முதல் 23-ஆம் தேதி மதியம் 12 மணிக்குள் தொகையைச் செலுத்தி டிக்கெட்டுகளை பெற்றுக் கொள்ளலாம்.
ஆா்ஜித சேவை டிக்கெட்டுகள்
ஜூன் 21-ஆம் தேதி காலை 10 மணிக்கு கல்யாணோற்சவம், ஊஞ்சல் சேவை, ஆா்ஜித பிரம்மோற்சவம், சகஸ்ரதீபாலங்கார டிக்கெட்டுகள் வெளியிடப்படும்.
விா்ச்சுவல் சேவைகள் ஒதுக்கீடு
மாலை 3 மணிக்கு விா்ச்சுவல் சேவைக்கான ஆகஸ்டு ஒதுக்கீடு, தரிசன விவரங்கள் இணையத்தில் வெளியிடப்படும்.
அங்கப்பிரதட்சணம் டோக்கன்கள்
செப்டம்பா் மாதத்துக்கான அங்கபிரதட்சண டோக்கன்கள் ஒதுக்கீடு, 23-ஆம் தேதி காலை 10 மணிக்கு இணையத்தில் வெளியாகும்.
ஸ்ரீவாணி டிக்கெட் ஆன்லைன் ஒதுக்கீடு
செப்டம்பா் மாதத்துக்கான ஸ்ரீவாணி டிரஸ்ட் டிக்கெட்டுகளுக்கான ஆன்லைன் ஒதுக்கீடு, 23-ஆம் தேதி காலை 11 மணிக்கு வெளியிடப்படும்.
முதியோா் மற்றும் மாற்றுத்திறனாளிகளுக்கான ஒதுக்கீடு
முதியவா்கள், மாற்றுத்திறனாளிகள், நாள்பட்ட நோயால் பாதிக்கபட்டவா்கள் திருமலை ஏழுமலையானை தரிசிக்க ஏதுவாக, ஆகஸ்டு மாதத்துக்கான இலவச சிறப்பு தரிசன டோக்கன்கள், 23-ஆம் தேதி மாலை 3 மணிக்கு இணையத்தில் வெளியாகும்.
சிறப்பு நுழைவு தரிசன டிக்கெட்டுகளின் ஒதுக்கீடு (ரூ.300)
செப்டம்பா் மாதத்துக்கான சிறப்பு நுழைவு தரிசன டிக்கெட்டுகளின் ஒதுக்கீடு, 24-ஆம் தேதி காலை 10 மணிக்கு வெளியிடப்படுகிறது.
அறை ஒதுக்கீடு:
திருமலை, திருப்பதியில் செப்டம்பா் மாத அறை ஒதுக்கீடு, 24-ஆம் தேதி மாலை 3 மணிக்கு இணையத்தில் வெளியாகும்.
ஸ்ரீவாரி சேவை, நவநீத சேவை, பரக்காமணி சேவைக்கான ஒதுக்கீடு 27-ஆம் தேதி காலை 11 மணி, மதியம் 12 மணி, மதியம் 1 மணிக்கு இணையதளத்தில் வெளியாகும். மேற்கண்ட டிக்கெட்டுகள், வாடகை அறைகள் முன்பதிவு செய்ய விரும்பும் பக்தா்கள்,
ட்ற்ற்ல்ள்://ற்ற்க்ங்ஸ்ஹள்ற்ட்ஹய்ஹம்ள்.ஹல்.ஞ்ா்ஸ்.ண்ய் என்ற தேவஸ்தான இணையதளம் மூலம் ஆா்ஜித சேவை, தரிசன டிக்கெட்டுகளை முன்பதிவு செய்யுமாறு தேவஸ்தானம் கேட்டுக் கொண்டுள்ளது.