பணபலத்தால் வெற்றி பெற பாஜக முயற்சி: காங்கிரஸ் குற்றச்சாட்டு

புதுச்சேரி: புதுவையில் பண பலம், அதிகார துஷ்பிரயோகத்தின் மூலம் வெற்றி பெற பாஜக முயற்சிப்பதாக அகில இந்திய காங்கிரஸ் செயலரும், புதுவை மேலிடப் பொறுப்பாளருமான சஞ்சய் தத் குற்றஞ்சாட்டினாா்.

புதுச்சேரி காங்கிரஸ் தலைமை அலுவலகத்தில் ஞாயிற்றுக்கிழமை செய்தியாளா்களிடம் அவா் மேலும் கூறியதாவது:

தோ்தலில் அதிகார துஷ்பிரயோகம், பண பலம் ஆகியவற்றின் மூலம் வெற்றி பெற பாஜக முயற்சி செய்கிறது. திருநள்ளாறு தொகுதியில் ஞாயிற்றுக்கிழமை பாஜக வேட்பாளரின் ஆதரவாளா்கள் வாக்காளா்களுக்கு விநியோகிக்க இருந்த தங்கக் காசுகள், ரொக்கப் பணத்தை பறக்கும் படையினரைப் பாா்த்ததும் வீசிவிட்டு தப்பிச் சென்றனா்.

இந்தத் தங்கக் காசுகளில் ஒருபுறம் மோடியின் உருவமும், மறுபுறம் திருநள்ளாறு கோயில் படமும் இடம் பெற்றிருந்தது. பாஜகவினா் பண பலத்தின் மூலம் வாக்காளா்களை வளைக்க முயற்சி செய்கின்றனா்.

இந்த விவகாரம் தொடா்பாக மத்திய தோ்தல் ஆணையத்துக்கும், புதுவை மாநிலத் தோ்தல் துறை அதிகாரிகளுக்கும் புகாா் அனுப்பியும் எந்தவித நடவடிக்கையும் எடுக்கவில்லை. தோ்தல் துறையினா் தொடா்ந்து ஒருதலைப்பட்சமாகவே செயல்பட்டு வருகின்றனா்.

தலைமைத் தோ்தல் ஆணையம் இதையெல்லாம் வேடிக்கை பாா்க்காமல் நடவடிக்கை எடுக்க வேண்டும்.

தோ்தல் பிரசாரத்தின் போது, ரங்கசாமி கடந்த காங்கிரஸ் ஆட்சியில் எந்தத் திட்டத்தையும் நிறைவேற்றவில்லை எனத் தொடா்ந்து கூறி வருகிறாா். கடந்த 5 ஆண்டு காலமாக புதுவை மக்களின் பிரச்னைகளுக்காக அவா் வாய்த் திறந்தரா? தோ்தல் வந்தால் மட்டும்தான் ரங்கசாமி பேசுவாா்.

அவருடைய ஆட்சிக் காலத்தில் ஆளுநா் மாளிகையை முற்றுகையிட்டதை ரங்கசாமி வசதியாக மறந்துவிட்டாா். அவா், தற்போது முன்னுக்கு பின் முரணாகப் பேசி வருகிறாா்.

மக்கள் விரோத சக்தி யாா் என்பதை புதுவை மக்கள் உணா்ந்துள்ளனா். அவா்களின் முடிவு தோ்தலில் பிரதிபலிக்கும் என்றாா் சஞ்சய் தத்.

சந்திப்பின் போது புதுவை முன்னாள் முதல்வா் நாராயணசாமி, மக்களவை உறுப்பினா் வெ.வைத்திலிங்கம் ஆகியோா் உடனிருந்தனா்.