அதிமுக பிரசார வாகனம் மோதி முதியவா் கால் முறிவு

சேத்துப்பட்டு அருகே அதிமுக பிரசார வாகனம் மோதியதில் முதியவருக்கு கால் முறிவு ஏற்பட்டது.

சேத்துப்பட்டை அடுத்த தேவிகாபுரம் -போளூா் சாலையில் தனியாா் பெட்ரோல் விற்பனை நிலையம் அருகே திங்கள்கிழமை புலிவானந்தல் கிராமத்தைச் சோ்ந்த ராமலிங்கம் (60) நடந்து சென்றுகொண்டிருந்தாா்.

போளூரில் இருந்து தேவிகாபுரம் நோக்கி, போளூா் அதிமுக வேட்பாளரை ஆதரித்து சென்று கொண்டிருந்த பிரசார வாகனம் ராமலிங்கம் மீது மோதியது. இதில் அவருக்கு இடது கால் முறிந்து துண்டானது.

உடனடியாக அப்பகுதியில் இருந்தவா்கள் அவரை மீட்டு சேத்துப்பட்டு அரசு மருத்துவமனையில் அனுமதித்தனா். பின்னா், தீவிர சிகிச்சைக்காக ராமலிங்கம் திருவண்ணாமலை அரசு மருத்துவமனைக்கு அனுப்பி வைக்கப்பட்டாா்.

இதுகுறித்த புகாரின் பேரில் சேத்துப்பட்டு போலீஸாா் வழக்குப் பதிவு செய்து வாகனத்தை ஓட்டிய ஆற்காட்டைச் சோ்ந்த பிரபுதேவா(27) என்பவரை கைது செய்தனா்.