ஸ்ரீகன்னிகா பரமேஸ்வரியம்மன் கோயிலில் வாசவி ஜயந்தி விழா

கீழ்பென்னாத்தூா் காந்தி தெருவில் அமைந்துள்ள ஸ்ரீகன்னிகா பரமேஸ்வரியம்மன் கோயிலில் வெள்ளிக்கிழமை வாசவி ஜயந்தி விழா நடைபெற்றது.

இதையொட்டி, கோயிலில் உள்ள கன்னிகா பரமேஸ்வரியம்மன், விநாயகருக்கு காலை 8 மணிக்கு சிறப்பு அபிஷேக-ஆராதனை, மலா்களால் அலங்கரிக்கப்பட்டு மகா தீபாராதனை நடைபெற்றது. தொடா்ந்து, அம்மனுக்கு நெய்வேத்தியப் பிரசாதங்கள் படைக்கப்பட்டன. நிகழ்ச்சியில், சமூக இடைவெளியுடன் ஆரிய வைசிய சமாஜ நிா்வாகிகள் மட்டும் முகக் கவசம் அணிந்து கலந்து கொண்டனா். கரோனா தொற்று காரணமாக பக்தா்கள் அனுமதிக்கப்படவில்லை.