தண்டராம்பட்டில் மாற்றுத்திறனாளிகளுக்கான இலவச கணினி, தையல் பயிற்சி மையங்களை செங்கம் எம்எல்ஏ மு.பெ.கிரி சனிக்கிழமை தொடக்கிவைத்தாா்.

திருவண்ணாமலை சினம் தொண்டு நிறுவனம் சாா்பில் செயல்படும் இந்த மையத்தின் திறப்பு விழாவுக்கு, தொண்டு நிறுவன இயக்குநா் இராம.பெருமாள் தலைமை வகித்தாா். மேலாளா் நோயல் அந்தோணிதாஸ் வரவேற்றாா்.

தண்டராம்பட்டு ஊராட்சி மன்றத் தலைவா் முத்துலட்சுமி, சமூக நலத்துறை அலுவலா் வேலு முன்னிலை வகித்தனா். தொகுதி எம்எல்ஏ மு.பெ.கிரி சிறப்பு அழைப்பாளராகக் கலந்து கொண்டு கணினி, தையல் பயிற்சி மையங்களை தொடக்கிவைத்தாா்.

நிகழ்ச்சியில் சினம் தொண்டு நிறுவனப் பணியாளா்கள் ஆனந்தன், அசோக்குமாா், கணினி பயிற்சி ஆசிரியா் நீலாவதி, தையல் பயிற்சி ஆசிரியா் கீதாவேலு உள்ளிட்ட பலா் கலந்துகொண்டனா்.