வந்தவாசி/ செங்கம்/ஆரணி/செய்யாறு: திருவண்ணாமலை மாவட்டத்தில் உள்ள கல்வி நிலையங்களில் இந்தியாவின் 77-ஆவது குடியரசு தினவிழா திங்கள்கிழமை சிறப்பாகக் கொண்டாடப்பட்டது.

வந்தவாசி அகிலாண்டேஸ்வரி மகளிா் கல்லூரியில் நடைபெற்ற விழாவில் கல்லூரி முதல்வா் சி.ருக்மணி தேசியக் கொடியேற்றினாா். கல்லூரித் தலைவா் எம்.ரமணன், கல்லூரிச் செயலா் வெ.பிரியா ரமணன் மற்றும் பேராசிரியைகள், மாணவிகள் பங்கேற்றனா்.

வந்தவாசியை அடுத்த தென்னாங்கூா் அரசு கலை, அறிவியல் கல்லூரியில் நடைபெற்ற விழாவில் கல்லூரி முதல்வா் சித.ரவிச்சந்திரன் தேசியக் கொடியேற்றினாா்.

வந்தவாசி எஸ்.ஆா்.ஐ. இண்டா்நேஷனல் மெட்ரிக்குலேஷன் பள்ளியில் நடைபெற்ற விழாவில் வந்தவாசி ஆசியன் மருத்துவ அகாதெமி இயக்குநா் பீ.ரகமத்துல்லா தேசியக் கொடியேற்றினாா். பள்ளி முதல்வா் வேதாம்பிகை சரவணன், அகாதெமி தாளாளா் ஆசியா பா்வீன் உள்ளிட்டோா் பங்கேற்றனா்.

வந்தவாசியை அடுத்த பக்கீா் தக்கா ஊராட்சி ஒன்றிய உருது தொடக்கப் பள்ளியில் நடைபெற்ற விழாவில் சி.ம.புதூா் கிளை நூலகா் ஜா.தமீம் தேசியக் கொடியேற்றினாா். பள்ளித் தலைமை ஆசிரியா் எம்.ஒய்.அப்துல்ரகுமான், ஆசிரியை விஜயசாமுண்டீஸ்வரி உள்ளிட்டோா் பங்கேற்றனா்.

செங்கம்

புதுப்பாளையம் ஒன்றியம் வடமாத்தூா் அரசு தொடக்கப் பள்ளியில் நடைபெற்ற குடியரசு தின நிகழ்ச்சியில்

பள்ளித் தலைமை ஆசிரியா் சென்னம்மாள் வரவேற்றாா். சிறப்பு அழைப்பாளராக புதுப்பாளையம் வட்டார வள மைய மேற்பாா்வையாளா் சின்னராஜ் கலந்துகொண்டு தேசியக் கொடியேற்றி இனிப்பு வழங்கினாா். தொடா்ந்து, மாணவா்களின் கலை நிகழ்ச்சிகள் நடைபெற்றன.

நீப்பத்துறை அரசு தொடக்கப் பள்ளியில் தலைமை ஆசிரியா் சிவராமன் தேசியக் கொடியேற்றி மாணவா்களுக்கு இனிப்பு வழங்கினாா். கலை நிகழ்ச்சியில் கலந்துகொண்ட மாணவா்களுக்கு பள்ளி மேலாண்மைக்குழுத் தலைவா் சீமாட்டி பரிசு வழங்கினாா்.

மேல்செங்கம்புதூா் அரசு தொடக்கப் பள்ளியில் தலைமை ஆசிரியா் முனுசாமி தேசியக் கொடியேற்றி மாணவா்களுக்கு இனிப்பு வழங்கினாா். பள்ளி மேலாண்மைக் குழுத் தலைவா் சத்யா உள்ளிட்ட பலா் கலந்து கொண்டனா்.