குடியாத்தம்: குடியாத்தம் அரிமா சங்கம் சாா்பில், 100 சதவீத வாக்களிப்பை வலியுறுத்தி, நகா் முழுவதும் விழிப்புணா்வு துண்டுப் பிரசுரங்கள் வியாழக்கிழமை விநியோகம் செய்யப்பட்டன.

புதிய பேருந்து நிலையத்தில் நடைபெற்ற தொடக்க நிகழ்ச்சிக்கு, சங்கத்தின் தலைவா் டி.ஜேஜி நாயுடு தலைமை வகித்தாா். மாவட்டத் தலைவா் என்.வெங்கடேஸ்வரன் வரவேற்றாா். குடியாத்தம் கோட்டாட்சியரும், தொகுதி தோ்தல் நடத்தும் அலுவலருமான எம்.ஷேக்மன்சூா், பொதுமக்கள், முதலாவதாக வாக்களிக்க உள்ள இளைஞா்களுக்கு துண்டுப் பிரசுரம் விநியோகத்தைத் தொடக்கி வைத்தாா். சங்கப் பொருளாளா் ரவீந்திரன், நிா்வாகிகள் ஏ.காசிவிஸ்வநாதன், எஸ்.ஏ.கலிமுல்லா, கமலஹாசன், ஜே.பாபு, ஜி.கே.செந்தில்குமாா் உள்ளிட்டோா் உடனிருந்தனா்.