வேலூரில் வெவ்வேறு இடங்களில் கட்டட மேஸ்திரி உள்பட 3 போ் தற்கொலை செய்து கொண்டது குறித்து போலீஸாா் விசாரணை நடத்தி வருகின்றனா்.

வேலூா் அலமேலுமங்காபுரத்தைச் சோ்ந்தவா் பாஸ்கா் (33), கட்டடத் தொழிலாளி. இவா் அடிக்கடி மதுஅருந்து விட்டு வீட்டுக்கு வருவாராம். இதேபோல், வெள்ளிக்கிழமையும் மது அருந்திவிட்டு வந்ததாகத் தெரிகிறது. இதனை அவரது மனைவி சுகன்யா தட்டிக்கேட்டதால் இருவருக்குள் தகராறு ஏற்பட்டுள்ளது. இந்நிலையில், சனிக்கிழமை காலை அவரது மனைவி தூங்கி எழுந்து பாா்த்தபோது பாஸ்கா் தூக்கிட்டுத் தற்கொலை செய்து கொண்டது தெரியவந்தது.

சத்துவாச்சாரி குருதோப்பு பகுதியைச் சோ்ந்தவா் நரேஷ் (38). தனியாா் தொலைக்காட்சி ஒளிப்பதிவாளராக இருந்துள்ளாா். கடந்த சில மாதங்களாக பணியில் இருந்து வெளியேறி தனியாக உணவகம் நடத்தி வந்தாா். இந்நிலையில், நரேஷ் வெள்ளிக்கிழமை இரவு வீட்டில் தூங்கினாா். காலையில் அவரது மனைவி எழுந்து பாா்த்தபோது நரேஷ், வீட்டிலுள்ள மின்விசிறியில் தூக்கிட்டுத் தற்கொலை செய்து கொண்டது தெரியவந்தது.

இச்சம்பவங்கள் குறித்து சத்துவாச்சாரி போலீஸாா் வழக்குப் பதிந்து விசாரணை நடத்தி வருகின்றனா்.

காட்பாடி தாராபடவேடு பகுதியைச் சோ்ந்தவா் மேகநாதன் (26). வெளிநாட்டில் வேலை செய்து வந்தாா். கரோனா பரவலைத் தொடா்ந்து, வேலையின்றி சொந்த ஊருக்கு வந்த அவா் வேலை கிடைக்காமல் தவித்து வந்தாா். இதனால், மனவேதனையில் இருந்த அவா், வெள்ளிக்கிழமை பூச்சிக்கொல்லி மருந்து குடித்து மயங்கினாா். உடனடியாக அவரை மீட்டு, வேலூா் தனியாா் மருத்துவமனைக்குக் கொண்டு சென்றனா். அங்கு மேகநாதன் நள்ளிரவு உயிரிழந்தாா்.

இது குறித்து காட்பாடி போலீஸாா் வழக்குப் பதிந்து விசாரணை நடத்தி வருகின்றனா்.