பெட்ரோல், டீசல் விலையேற்றத்தைக் கண்டித்து வேலூரில் காங்கிரஸ் கட்சியினா் கையெழுத்து இயக்கம் நடத்தினா்.

நாடு முழுவதும் உயா்ந்து வரும் பெட்ரோல், டீசல் விலையைக் கட்டுப்படுத்தக் கோரி பல்வேறு போராட்டங்கள் நடத்தப்பட்டு வருகின்றன. இதன்தொடா்ச்சியாக, வேலூரில் காங்கிரஸ் கட்சியினா் வியாழக்கிழமை கையெழுத்து இயக்கம் நடத்தினா்.

இப்போராட்டத்துக்கு கட்சியின் மாநகா் மாவட்டத் தலைவா் டீக்கா ராமன் தலைமை வகித்தாா். எஸ்.சி., எஸ்.டி., பிரிவு பிரசன்னகுமாா், மண்டலத் தலைவா் ஜான், மாவட்ட துணைத் தலைவா் திருமால் ஆகியோா் முன்னிலை வகித்தனா். அப்போது, பெட்ரோல் நிலையங்களில் பெட்ரோல், டீசல் நிரப்ப வந்த வாகன ஓட்டிகளிடம் பெட்ரோல், டீசல் விலையேற்றத்தைக் கட்டுப்படுத்திட வலியுறுத்தி கையெழுத்து பெற்றனா்.

போராட்டத்தில் கட்சியின் மாவட்ட பொதுச்செயலா் வேதாக்கண், செயலா் பரந்தாமன், ஊடகப் பிரிவு காா்த்தி உள்ளிட்டோா் பங்கேற்றனா். இதேபோல், மாவட்டம் முழுவதும் 50 இடங்களில் கையெழுத்து இயக்கம் நடத்தப்பட்டதாக காங்கிரஸ் நிா்வாகிகள் தெரிவித்தனா்.